شـه‌فــه‌ق نــیوز

شه‌فه‌ق/ وه‌زير ئاشته‌وايی نيشتمانی جه‌خت كرد: ده‌وڵه‌ت وه‌ل لايه‌نه‌يل چه‌كدار ئاشته‌و ئه‌دێ و ئه‌وه‌يش وه‌خاتر به‌رزه‌وبوين تواناييه‌يل ده‌وڵه‌ت و

له‌هه‌مان وه‌ختيش جه‌خت كرد: گله‌وخواردن ئه‌را ژيرسايه‌ی عێراق ته‌نيا ئه‌و كه‌سه‌يله‌ ك هانه‌ ده‌يشت وڵات ناگرێده‌وه‌ر.

عامر خو‌زاعی له‌ كۆنفرانسيگ رووژنامه‌گه‌ری و‌ت: تواناييه‌يل ده‌زگايل ئه‌منی و وزاره‌ته‌يل ده‌وڵه‌ت فره‌ به‌رزه‌و بويه‌ وه‌يخاتره‌ وه‌ل لايه‌نه‌يل چه‌كدار ئاشته‌و ئه‌دێ و له‌هه‌مان وه‌ختيش جه‌خت كرد وزاره‌ته‌گه‌ی په‌يوه‌ندی راسه‌وخۆيگ وه‌ل سه‌رۆك عه‌شيره‌ته‌يل ديرێ و نويسنگه‌يليگ له‌ی باوه‌ته‌ واز كردگه‌.

ناوبرياگ هه‌ميش وت: هه‌ر كه‌سيگ خوه‌ی له‌ دووسی نيشتمانی دويره‌و ئه‌خاد بايه‌د نه‌تيجه‌يلی قه‌بوول داشتوود و له‌هه‌مان وه‌ختيش ئاشكرايه‌و كرد لايه‌نه‌يل چه‌كدار له‌ ئايه‌نده‌ و له‌شوون په‌سه‌ن كردن ياسای پارته‌يل تويه‌نن پارته‌يليگ ئه‌را خوه‌يان دامه‌زرنن.

ناوبرياگ هه‌ميش و‌ت: گله‌وخواردن عێراقيه‌يل ئه‌را چوارچيوه‌ی عێراق ته‌نيا ئه‌و كه‌سه‌يله‌ ك هانه‌ ده‌يشت وڵات نا‌گرێده‌وه‌ر به‌ڵكم هه‌ر كه‌سيگ ناو خوه‌ی ناسه‌ لايه‌ن رویوه‌ڕوی كار تويه‌نێد ئه‌را چوارچيوه‌ی ده‌وڵه‌ت و ياسا گله‌و بخوه‌ێد.

خوزاعی هه‌ميش ئاشكرايه‌و كرد: وزاره‌ته‌گه‌ی گشت كيشه‌يل لايه‌نه‌يل چه‌كدار چاره‌سه‌ر ئه‌كا و گشت ئه‌ندامه‌يل ئه‌و لايه‌نه‌يله‌ سزا نيه‌دريه‌ن.

< پێشتر		دواتر >