شهفهق/ چالاك و لهيهكهودهريگ سياسی جهخت كرد ك جيوهجی كردن مادهی 140 دهستوور ههوهجه وه ئيرادهیگ نيشتمانی راسكانی ديرێ
و لهههمان وهختيش ئعلان كرد ك كهمتهرخهمی لهلايهن سێ سهرۆكايهتيهگهی وڵات وجود ديرێ ئهرا جيوهجی كردن ئهی ماده.
ئهحمهد ناسر فهيلی له تهسريحيگ ئهرا شهفهق وت: جيوهجی كردن مادهی 140 دهستوور وه ئيرادهی نيشتمانی ئهرا لهيهكهوداين باوهتهگه له ديدگایگ نيشتمانی ههوهجه ديرێ.
ناوبرياگ ههميش ئعلان كرد: عێراق وه تهقالايل نيشتمانی ئهرا پيشكهفتنيگ ميژوويی وهرهو چارهسهر كردن گشت كيشهيل يهكلاوه نهكرياگ وڵات ههوهجه ديرێ.
ههميش ئاشكرايهو كرد: مادهی 140 دهستوور نهخشهرێيگه ئهرا چارهسهر كردن باوهتهيل و بڕيار بوی ئهی ماده له كووتايی ساڵ 2007 جيوهجی بكريهێ وهلی بار و دوخ وڵات و كهمكاری حكوومهت بويه بايس وهدیهاتن كێشه لهوهردهم جيوهجی كردن ئهی ماده.
| < پێشتر | دواتر > |
|---|
