شهفهق/ چالاك و لهيهكهودهريگ سياسی ئاشكرايهو كرد ئهو لايهنهيله ك له دژ جيوهجی كردن مادهی 140 دهستوور بوين ئيسه داواكهن ههرێميگ دامهزريهێد.
تالب محهمهد كهريم له تهسريحيگ ئهرا شهفهق وت: ئوسامه نوجێفی سهرۆك پهرلهمان و ئهندام پايهبهرز ليست عيراقيه وهگورهی دهستوور قسيه كردگه.
ناوبرياگ ك سهرۆك ناوهند رووشنهويری فهيليه ئهی پرسياره كرد ك ئهرا ئهو لايهنهيله لهسهرهتاوه لهدژ دامهزرانن ههرێمهيل بوين و لايهنهيليگ ئهی جوور داواكارييگ پيشكهش كردن وه لايهنهيليگ ناسانن ك له نيشتمانپهروهری دويرن و تهقالا كهن عيراق بهشبهشهو بكهن.
ناوبرياگ ههميش وت: يهكمين ههرێميگ دامهزريا ههرێم كوردستان بوی و داواكاريهيل فرهيگيش پيشكهش كريان ئهرا دامهزرانن ههرێم له باشوور عيراق وهلی وهربهسيل فرهيگ لهوهردهميان وهدیهاوردن. ناوبرياگ لهدريژهی قسيهيلهگهی ئعلان كرد ك: دهعوهت ئهی دوياخرهی ئوسامه نوجێفی سهرۆك پهرلهمان عيراق ئهرا دامهزرانن ههرێميگ وهيخاترهسه ك ئهی باوهڕه ديرێ پێكهات سوننه له عيراق لهوهرچهو نهگيرياگه و سهرۆك پهرلهمان ههق ديرێ يهكسانی لهناونی گشت پێكهاتهيل وڵات زامن بكا.
كهريم لهدريژهی قسيهيلهگهی ئاشكرايهو كرد: وهختيگ ئهخوازيم مادهيگ جيوهجی بكهيم لايهنهيل فرهیگ ههن ك وهربهسيليگ لهوهردهمی وهدی ئهيهرن و ئهی كاره وهخاتر ناكووكيهيل سياسييگه ك له وڵات وجود ديرێ.
| < پێشتر | دواتر > |
|---|
