شهفهق/ سهرۆك پهرلهمان عێراق ئويشێ، ئهتويهنێ وهناو گشت پێكهاتهیل عێراق قسه بكا.
ئوسامه نوجێفی سهرۆك پهرلهمان عێراق له تهسریحيگی ئهرا ئاژانسهيل ههواڵ ئويشێ، ئهو سهرۆك پهرلهمانهو نوێنهر گشت پێكهاتهیل مللهت عێراقهو ئهتويهنێ وهناو كوردو سوننهو شیعه قسه بكا و وتیش، ئهوه وهرپرسیاريهتی خوهیه و له قسهگانيشی وشدار داس ك تهقالا ئهكريهێ سوننهيل لهپرۆسهی سیاسی پشتگووش بخريهن و شكست وهپيان بارن.
سهرۆك پهرلهمان عێراق لهدريژهی قسهيلهگهی ههميش وت، ههریهك لهپارێزگایل كوت و بهسره وهخاتر پشتگووشخستن و سهرنهكهفتنیان داوا كردنه ههرێميگ تایبهت وهخوهیان پێك باريهێ.
نوجێفی ئاماژه وهوهيشكرد، قسهيلهگهی چهواشهی دهستوور نیهو تهئكیدیش كردگه، ك پشتگیری له بهشهوكردن عێراق ئهرا چهن ههرێميگ جیاواز ناكا و ههمیشه تهقالا كردگه كێشهيل ناونی لایهنهيل چارهسهر بكا. ئاشكرايشیهوكرد، ئیئتلاف عێراقیه ئمڕوو بهیاننامهیگ لهوبارهو بڵاو ئهكادهو و كۆنگرهیگ رووژنامهوانیش سهبارهت وهو بابهته ساز ئهكا.
| < پێشتر | دواتر > |
|---|
