شهفهق/ شاند ئۆپۆزسیۆن سوریه ك وهدهسپیشخهری رێكخریاگهیل روسیه لهوانهیش (كومهڵهی روسی ئهرا هاوكاری وهل مللهتهیل ئاسیا و ئهفریقیه
سهردان مۆسكۆ كردگه ئهرا ئاژانس دهنگوباس مۆسكۆ داكووكی كردگه ك ئامانج لهی سهردانه داكووكی كردن له بان گرنگی پهیوهندیهیل سوریه و روسیه و ناڕازی بوین ئۆپۆزسیۆن سوری له ناوخوهی و دهیشت له ههر دهخاڵهتیگ سهربازی بیگانه له سوریه بویه.
وهفدهگه ههمیش متمانهی خوهی وه توانایی ئۆپۆزسیۆن ئهرا رمانن رژیم له رێ ئاشتیخوازانه نیشان داگه و وهیهیش ئاماژه كردگه ئۆپۆزسیۆن وه رهوابوین كیشهی سوریه و داخوازیهیلی ئهرا ئازادی و دیموكراسی و دامهزرانن دهوڵهتیگ مهدهنی ك گشت نهتهوه و تایفهیل ئاینی و لایهنهیل سیاسی لهتی بهشدار بوون باوهڕ دیرێ.
وهفد ناوبریاگ زیاتر وتگه: روسیه پایگای سیاسی و ناودهوڵهتی گرنگیگ دیرێ و ئومیدواریم مۆسكۆ پشتگیری له كیشه رهواگان مللهت سوریه بكا.
له جوواو پرسیاریگ له باوهت ئاوات و ئارهزووهیل كوردهیل سوریه, رهزوان ئهلعدینیه یهكیگ له چالاكهیل سیاسی و نوێنهر كورد له شاندهگه وتگه: كوردهیل سوریه ناخوازن له سوریه جیاوه بوون و نهبایهد لهی باوهته شك و گومان له نیهت كورد بایگه دی و ئهوهگ له باوهت نیاز كوردهیل وهجیاوهبوین له سوریه ئویشیهی لهلایهن رژیم سوریه خریهێده روی ئهرا وهدیهاوردن ناكووكی و ناتهبایی له ناونی چینهیل كومهڵگای ئی وڵاته.
| < پێشتر | دواتر > |
|---|
