شهفهق/ لهيهكهودهريگ سياسی ئاشكرايهو كرد: گشت كوتلهيل سياسی بهڵگهيل گهناتهكاری ئهرا فشارهاوردن لهبان يهكترهك وهكار بهن و
لهههمان وهختيش جهخت كرد ك تا ئيسه يهك وهرپرس گهناتهكاريش نهدرياسه دادگا.
واسق هاشمی له تهسريحيگ ئهرا شهفهق وت: گشت كوتلهيل سياسی بهڵگهی گهناتهكاری ئهرا فشارهاوردن لهبان يهكترهك وهكار بهن و بڕيگ له كوتلهيله ئشارهت كهن ك ههزاران بهڵگهی گهناتهكاری هالهدهسيان وهلی تائيسه يهك وهرپرس گهناتهكاريش نهدرياسه دادگا.
ناوبرياگ لهدريژهی قسيهيلهگهی جهخت كرد: نه ئهنجوومهن وهزيرهيل و نه پهرلهمان و نه دهسه و ليژنهی دهسپاكی له پهرلهمان تا ئيسه يهك وهرپرس وهخاتر گهناتهكاری نهدانهسه دادگا ئهوهيش لهوهختيگ وهگورهی راپۆرت ڕيكخرياگهيل ناودهوڵهتی عيراق ها لهسهرهتای وڵاتهيليگ گهناتهكاری ئيداری ديرن و ئهی حاڵهته ئاڵشتهو نيهود ئهگهر گهناتهكارهيل نهدريهنه دادگا.
| < پێشتر | دواتر > |
|---|
