شهفهق/ وهرپرسیگ له وزارهت ماف ئادهمیزاد عیراق راسی ئهو شمارهیله ك لهلایهن وزارهت دهوڵهت له كاروبار ژنهیل پیشكهش كریاس
و ئاماژه وهوه كهن ك یهك ملیون بیوهژن له عیراق وجود دیرن رهد كرد و وت: شمارهی راسكانی بیوهژنهیل وهگورهی لهیهكهوداین وزارهت پلانداناین فرهتر له یهك ملیون و نیم بیوهژن له عیراق وجود دیرن. سهوسهن بهراك وهڕیهوبهر كاروبار ژنهیل له وزارهت ماف ئادهمیزاد له تهسریحیگ ئهرا شهفهق وت: شمارهیل بڵاوهوكریاگ لهلایهن وزارهت ژنهیل كهمتر له ئهو شمارهسه ك لهلایهن وزارهت پلانداناین پیشكهش كریاس ك جهخت ئهكا فرهتر له یهك ملیون ونیم بیوهژن له عیراق وجود دیرن.
لهلایگترهو له راپۆرت نهتهوهیل یهكهوگرتگ و وهگورهی قسیهی وهرپرسهیل عیراقی و ڕیكخریاگهیل كۆمهڵگهی مهدهنی رووژانه 90تا100 ژن عیراقی وهخاتر كردهوهیل توندوتیژی و كوشتن بیوه بوون. بهراك ههمیش ئعلان كرد: فرهوبوین شمارهی بیوهژنهیل بویهسه بایس ك حكوومهت دهزگایگ ئهرا چهودیری كومهڵایهتی له ژنهیل سهروه ئهنجوومهن وهزیرهیل پێك بارێ ك تهقالا ئهرا پیشكهشكردن دهسمهیهتهیل دارایی و كومهڵایهتی ئهرا بیوهژنهیل ئهكا.
| < پێشتر | دواتر > |
|---|
