شهفهق/ (فهلاح مستهفا) وهرپرس پهیوهندییهیل دهیشت حكوومهت ههرێم كوردستان وت، حكوومهت ههرێم له (12) دوانزه وڵات بیگانه نوێنهرایهتی دیرێ
و لهچوارچیوهی سیاسهت وهزارهت خارجیهی عێراقیش تهقالا ئهرا زیاێهوكردن ئهو ژماره ئهیهن.وهرپرس پهیوهندییهیل دهیشت حكوومهت ههرێم لهدیمانهیگی جهخت لهوهكردهو، ئیسه (20) بیس وڵات وهشیوهیگ ڕهسمی نوێنهرایهتی لهههرێم دیرن ك بڕێگیان كۆنسوڵگهرینو بڕێگیشیان نویسینگهی بازرگانی دیرن، چهن وڵاتێگ تریش ئامادهیی خوهیان نیشاندانه ئهرا وازكردن كۆنسوڵگهری لهههرێم، ك بڕێگیان كۆنسوڵگهری ئاسایی و بڕێگیانیش نویسینگهی بازرگانیو ئابووریه.
(فهلاح مستهفا) سهبارهت وه داشتن نوێنهرایهتی ههرێم لهدهیشت وڵات وت:"لهچوارچیوهی دوواره ڕێكخستنهوهی نوێنهرایهتییهیل ههرێم لهدهیشت كوردستان، حكوومهت ههرێم له (12) دوانزه وڵات بیگانه نوێنهرایهتی دیرێ، وهلی تا ئیسه نوێنهرایهتی لههیچ وڵاتێگ عهرهبی نهیرێ".
| < پێشتر | دواتر > |
|---|
