شهفهق/ چالاكيگ سياسی كورد فهيلی ئهی باوهڕه ديرێ ك كيشه وهدیهاوردن و دوياخستن جيوهجیكردن مادهی 140دهستوور عيراق وهزع
وڵات فرهتر شيونێ و لهههمان وهختيش پرۆژهی دامهزرانن ههرێميگ ئهرا كوردهيل فهيلی لهی وهخت ئيسه وه باوهت فرهسهختيگ زانست ك سهرنيهكهفێ.
تالب محهمهد كهريم له تهسريحيگ ئهرا شهفهق وت: كيشه وهدیهاوردن و دوياخستن جيوهجیكردن مادهی 140 لهلايهن حكوومهت و لايهنهيل سياسی وهزع وڵات فرهتر شيونێ و لهههمان وهختيش ئاشكرا كرد: تا ئيسه باوهت ناوچهيليگ له ههرێم كوردستان يهكلاوه نهكريانه.
وهڕێهوبهر ناوهند رووشنهويری فهيلی ئعلان كرد: باوهت دامهزرانن ههرێم تايبهتيگ ئهرا كوردهيل فهيلی لهی وهخته فرهسهخته و وهدويری زانست ك جيوهجی بكريهێد و لهههمان وهختيش وت: كوردهيل فهيلی لهيهك شوون گردهونهوينه و لهشوونهيل فرهيگ بهشهو كريانهو ئهی پرسياره كرد ك ئايا ئهی ههرێمه ك باسی كريهێد وهگورهی بنهوای جوگرافی دامهزريهێد يا ئيداری يا بنهوايهيلتر؟
| < پێشتر | دواتر > |
|---|
