شهفهق/ ئهنجوومهن وهزيرهيل عێراقی 927 مليون دولار وه بودجهی وزارهت كارهبا ئهرا ساڵ 2011 زيايهو كرد.
عهلی دهباغ قسيهكهر رهسمی وهناو حكوومهت عيراقی ك شهفهق نوسخهيگ لهلی وهدهسهاورد وت: ئهنجوومهن وهزيرهيل پيشنيار ليژنهی كاروبار وزه ئهرا زيايهوكردن 927 مليون دولار وه ميزانيهی كارهبای ئمساڵ قهبوول كردگه.
دهباغ ههميش وت: ئهی گوژمه تايبهت كريهێد ئهرا جيوهجیكردن پرۆژهيل دياریكرياگ لهلايهن ليژنهی كاروبار وزه له سهرۆكايهتی ئهنجوومهن وهزيرهيل.
جی باسه عيراق له ساڵهيل نهوهدهگان سهدهی بيسم تويش قهيران كارهبا هاتگه ئهوهيش وهخاتر ئهو كردهوهيلهسه ك لهدريژهی ئهی ساڵهيله لهدژ ناوهندهيل وزهی كارهبا ئهنجام گرتگه.
| < پێشتر | دواتر > |
|---|
