شهفهق/ ئیوارهی دویهكه (یهكشهممه) پرۆسهی ههڵوژاردن پهرلهمان توركیا كووتایی هات و وهگورهی ئهنجامهیل سهرهتایی ئهو ههڵوژاردنه
پارت دادو گهشهوهپیداین سهركهفتن وهدهسهاورد و له وهرانوهر كاندیدهیل سهروهخوهی كورد 36 كورسی مسۆگهر كردنه.وهگورهی خهوهریگ سایت تودهی زهمان توركیا، لهرێژهی 99% دهنگهیل جیاوهكریاگ، پارت داد و گهشهوهپیداین 49.9% دهنگهیل هاوردگه و وه پلهی یهكم تیهێد ك ئهكاده 326 كورسی، ههمیش پارت مللهت كۆماری وهپلهی دویم تیهێد ك 25.93% دهنگهیل وهدهسهاوردگه ك ئهكاده 135 كورسی، پارت جمشت نهتهوهییش وهپلهی سێیم تیهێد و 13% دهنگهیل مسۆگهر كردگه ك ئهكاده 54 كورسی، هاووهخت كاندیدهیل سهروهخوهی كورد رێژهی 5.9% دهنگهیل وهدهسهاوردنه ك ئهكاده 36 كورسی.
ههرچهن لهى ههڵوژاردنه پارت داد و گهشهوهپیداین دهسهڵاتدار سهركهفتن وهدهسهاوردگه، وهلی وه بهراورد وه ئهنجام ههڵوژاردن وهرین دهنگهیلى كهمهوكردگه و له وهرانوهریش رێژهی كورسییهیل كورد وه ئاستێگ وهرچهو زیایكردگه.
له ههڵوژاردن پهرلهمان توركیا 50 ملیۆن و 189 ههزار هاوڵاتی ههق دهنگداین داشتن، ههمیش 15 حزب سیاسی لهرێ 7 ههزار و 695 كاندید كێبڕكێ ئهرا وهدهسهاوردن 550 كورسی پهرلهمان كردن.
| < پێشتر | دواتر > |
|---|
