شهفهق/ نويسهريگ كورد ئاماژه وهوه ئهكا، ئهو شهپۆل خوهينیشانداين و ناڕهزایهتییهیل ناوچهی خوهرههڵات
ناوڕاس گرتگهسهو، دهروازهیگ گهوراس ك وهڕوی مللهتهيل ناوچهگه كرياگهسهو، تا وهرهو دیموكراتییهت گام بنهن، لهو چوارچيوهیشه كورد سودمهند ئهدێ.
)عومهر ئۆزمیر) نويسهرو ڕووژنامهنويس لهكوردستان توركیا وهئاژانس ههواڵ ناوخۆ وت، شهپۆل ڕاپهڕینهيل جهماوهری و خوهینيشانداينهیل وڵاتهیلناوچهگه، بويهسه مايهی ئهوهگ، ڕژيمهيل دیكتاتۆری وهرهو لهناوچوين و كووتایی بچن، ئهوهيش لهبهرژهوهندی مللهت كورده.
ئۆزمیر وتیش:"مللهت كورد، ك لهبان چهن وڵاتيگ بهشهو كرياگه، تا ئيسه ههلومهرجێيگ ههرێمایهتیو جههانی هاوشيوهی ئيسه وهخوهیهو نهیه، ك بتويهنێ پاداگری لهبان داخوازییهیلی بكا".
باس لهوهيش كرد، ڕمانن ڕژيمهيل دیكتاتۆری ناوچهگه، ئهدێده مايهی ئهوه ك، پرس كورد وهرهو نواتر بچێ و مللهت كوردیش گام گهورا بنهێد لهچهسپانن داخوازییهیلی.
وه ئهرايچوين ئهو نويسهره، سهرهتای وهدیهاتن داخوازییهیل مللهت كورد دهركهفتنهو كورد فره لهوهوه نزیكه، بدێده نهتهوهیگ خاوهن نهخشهی سیاسی خوهی لهناوچهگه.
| < پێشتر | دواتر > |
|---|
