شهفهق/ وهڕێهوبهرايهتی پهروهردهی خانهقين ئعلان كرد حكوومهت ههرێم كوردستان رهزامهندی خوهی
نيشانداگه ئهرا تهرخانكردن 225 پلهی كاری ئهرا وهڕێهوبهرايهتی قهزاگه.
حوسێن محهمهد سايه وهڕێهوبهر پهروهردهی خانهقين له تهسريحيگ ئهرا شهفهق وت: وهڕيهوبهرايهتی پهروهردهی خانهقين و ناوهند ڕێكخرياگهيل خانهقين داواكاری رهسمييگ پێشكهش حكوومهت ههرێم كوردستان كردگه تا دهرچگهيل ئهو قهزا بخريهنه كار و حكوومهت ههرێم كوردستانيش ئهی داواكاريه قهبوول كردگه و بڕيارداگه 225 پلهی كاری ئهرا ئهی قهزا تهرخان بكا.
سايه ههميش وت: وهڕێهوبهرايهتی پهروهردهی خانهقين له رووژ 30/5/2011 دهسكرديهسه وهرگرتن فۆرمهيل دامهزرانن.
| < پێشتر | دواتر > |
|---|
