شهفهق/ وهڕێهوبهر گشتی تهيارهخانهی ههولێر ناودهوڵهتی وه خاسترین ژن لهبوار فڕۆكهوانی لهبان ئاست
ئهفریقا و ئاسیا و رووژههڵات ناوڕاس ههڵوژريا.
دويهكه له شار دوبهی له وڵات ئیمارات كۆنگرهیگ ئهرا تهيارهخانهو بوار فرۆكهوانی بهسيا، لهتی خاسترین ئهو كهسهيله ك لهو بواره كار كهن لهبان ئاست ئهفریقا و ئاسیا و رووژههڵات ناوهڕاس دهسنیشان كريان، تهلار فایهق وهڕێهوبهر گشتى تهيارهخانهى ههولێر ناودهوڵهتيیش وه خاسترین كهس لهو بواره دهسنیشان كريا.
له كۆنگرهگه وهڕێهوبهر گشتی تهيارهخانهى ههولێر ناودهوڵهتى تهلار فایهقو دو ژن تر ك یهكيگ له تهيارهخانهی دوبهی و ئهوهكهی تريشيان له باشوور ئهفریقا هاتويد دهسنیشان كريان، دوياتر لهو سێ كهسه تهلار فایهق وه خاسترین ژن له بوارهگهى خوهی له كشوهر يا قاڕهی ئاسیا و ئهفریقا و رووژههڵاتى ناوڕاس ئهرا ساڵ 2010- 2011 دهسنیشان كريا.
جى باسه تهيارهخانهی ههولێر ناودهوڵهتی لهبان ئاست دونیا وه پهنجم گهوراترین تهيارهخانه وهحساو ئهيهێد، ك لهلایهن كۆمپانیایگ بهریتانى دیزاين ئهرای كرياس و كۆمپانیایگ توركیش وه 360 ملیون دۆلار ئهمریكی دروسى كردگه، ئهو تهيارهخانه ساڵانه توانای پێشوازیكردن له 3 میلیون گهشتیار ديرێد.
| < پێشتر | دواتر > |
|---|
