شهفهق/ وهزارهت كارو كاروبار كومهڵایهتی حكوومهت ههرێم، لهبهیاننامهیگ پیرۆزبایی ڕووژ جههانی مناڵ لهسهرجهم منالهیل ههرێم كوردستانو جههان ئهكا،
خوازێیش جهژن ئمساڵ، جهژن دهسهوهر زیاتر ههقهیل مناڵهیل بوود.وهگورهی بهیاننامهگه، بهشێگ لهكارهیل وهزارهت كار بریتییه لهخزمهتكردنو مقهیهتیكردن له گیان مناڵهیل لهئازارو شكهنجهو كار قورس و دهسهوهركردن ههقهیلیان، وهیخاتره كار ئهرا خزمهت مناڵهیل ههرێم ئهكا و چهنهها پرۆژه جیوهجیكردگهو شمارهیگیش پرۆژه ها لهبهرنامهى، ك بخهیدهیانهى بوار جیوهجیكردن.
لهبهیاننامهگه ئاماژه وهوهكریاس، وهزارهت لهڕێ پرۆژهیاسایگ تهقالا ئهكا، ههق و ئهرك مناڵ لهبان حكوومهتو كومهڵگهو خێزانو دهورووهر دهسنیشان بكا و لیژنهیگیش ئهرای پێكهاوردگه، ئیسهیش ههر مناڵیگ لهخوار عومر یاسایی بوود و كار وهپی بكریهێد، لهلایهن لیژنهیگ تایبهت لێپێچینهوهی یاسایی وهرانوهر وهخاوهنكارهگهی گیریهێدهوهر، چوینكه وهزارهت شوین كاركردن مناڵهیل خوار (18) ههیژده ساڵ دهسنیشان كردگه.
لهكووتایی بهیاننامهگه ئهوهخریاسهڕوى، دابینكردن هێڵ هاناڕهسی (116) سهدو شانزه ئهرا وههاناچیین ئهو مناڵهیله ك تویش شكهنجه ئهدۆن، چهودیری له مناڵهیل كاركهر، دو پرۆژهی گرنگن ئهرا مناڵهیل، ك لهلایهن وهزارهتهو ئهنجام دریانه، وهگورهی ئهوهیش، تا كووتایی ساڵ (2010) دهركهفتگه ك (12478) دوانزه ههزارو چوارسهدو حهفتاو ههیشت مناڵ كاركهر لهههرێم كوردستان كار ئهكهن.
| < پێشتر | دواتر > |
|---|
