شهفهق/ باراک ئۆباما سەرۆک ویلایەتەيل یەکگرتگ ئەمریکا وت: لەی وهخت ئيسهيشه، ک وڵاتهیليگ جوور
چین و هیندستان و بەرازیل گەشەی خاسيگ کردنە، وهلی کار غهڵهتيگه بويشيمن سەردەم ئەمریکاو بەریتانیا وەسەرچويەو ئيسهيش جههان ههوهجه وە سەرکردایەتی ئيمە ديريگ.
باراک ئۆباما، لەچوارچيوەی سەردانەگەی ئهرا بەریتانیا، لە کۆنگرەیگ رووژنامەوانی وهل دەیڤید کامیرون سەرۆک وەزیرهیل بەریتانیا، وت ئيسه سەردەميگ نوو هاوکاری لەناونی ئەمریکا و بەریتانیا دەس وهپيکردگە، وە تایبەت ک هەردو نەتەوەی ئەمریکی و بەریتانی، نهف لەی جوورە پەیوەندییگ تایبەت له ناونی خوهیان وەرگرن.
سەبارەت وە رەوش لیبیا، سەرۆک وەزیرهیل بەریتانیا وت، ئەمریکا و بەریتانیا ئهراچوينيگ تەواو هاوبەش ديرن لەبان پرس لیبیا و بايهتە موعەمەر قەزافی وەزويترین وهخت دەسەڵات بيلێدهجی.
لەلایەن خوهيشیەو ئۆباما وت، هێزەیل ناتۆ وەردەوام بوون لە پهلامارهيلیان ئهرا بان هێزەیل قەزافی، تا ئەو وهختەگ هێرشەیلی ئهرا بان مهردم مەدەنی بووسنێ.
هەميش ئۆباما وت، ئەمریکا و بەریتانیا وەردەوام بوون لە هەر پشتیوانی و پشتگیرییگ ئهرا ئەو مهردمەگ داوای دیموکراسی و ئازادی کەن، هەميش ئهرا ئەو سەرکردەیله ک پشتیوانی لە دیموکراسی و ئازادی مهردم کەن.
| < پێشتر | دواتر > |
|---|
