شهفهق/ عهلی حوسێن فهيلی ئهندام پهرلهمان ههرێم كوردستان ئمڕوو(چوار شهممه) ئاشكرايهو كرد: پهرلهمان كوردستان وه فيشتر دهنگهيل
لهبان تهرخان كردن 70 مليار دينار له بودجهی ههرێم كوردستان ئهرا ناوچهيل دهيشت ههرێم دهنگ داس و 100 ملياريش ئهرا ناوچهيل سنووری تايبهت كرياگه.
فهيلی له تهسريحيگ ئهرا شهفهق وت: ئهندامهيل پهرلهمان كوردستان ئمڕوو وه فيشتر دهنگ له بهرژهوهندی تهرخان كردن 70 مليار دينار له بودجهی ههرێم كوردستان ئهرا ناوچهيل دهيشت ههرێم دهنگدانه.
وتيش: پهرلهمانتارهيل ئمڕوو ههميش لهبان دهيان پرۆژهی سهرمايهگوزاری و خزمهتگوزاری له ناوچهيليگ ك هانه ژير دهسهڵات حكوومهت ههرێم كوردستان دهنگدان.
عهلی حسين فهيلی لهدريژهی قسيهيلهگهی ئهرا شهفهق وت: پهرلهمانتارهيل ههميش وه فيشتر دهنگهيل قهبوول كردن 100 مليار دينار ئهرا ناوچهيل سنووری زهرهدمهن تهرخان بكريهيگ.
فهيلی ههميش له دهنگداين فيشتر پهرلهمانتارهيل وه تهرخان كردن ئهی گوژمه ئهرا ئهو ناوچهيله وهگورهی دهسپيشخهری هاوپهيمانی كوردستانی ستايش كرد.
شايان باسه عهلی حوسێن فهيلی ئهندام پهرلهمان كوردستان له ههفتهی گوزهيشته داواكرد بهشيگ له بودجهی ههرێم كوردستان ئهرا ناوچهيل دهيشت ههرێم تهرخان بكريهێد.
| < پێشتر | دواتر > |
|---|
