شهفهق/ كومهلهی برايهتی شار مهنهلی دويهكه له ئاههنگيگ وهبوونهی چوارمين ساڵياد شههيدبوين 26 هاووڵاتی كورد له ناوچهی قهرهوڵس و
شار مهنهلی وهدهس تيرۆريستهيل سهدامی ڕێكخست.
پهيامنێر راديۆ شهفهق له شار مهنهلی وت: هاووڵاتيهيليگ وهرجله چوار ساڵ له شار مهنهلی وهدهس تيرۆريستهيل كوشيان 15 كهس لهليان له ئاوايی حهميد شهفی و 2 كهس له ئاوايی مهحموود ئاينه و 2 كهس له ئاوايی گهچينه و 1 كهس له ئاوايی كهمهر محهمهد و 2 كهس له پياوهيل پۆليس كورد و 4 ئهفسهر شارهگه بوينه.
ئهی ئاههنگه وه خوهنستن چهن ئايهتيگ له قورئان پيرۆز دهسوهپی كرد و لهشوونی وتهيليگ لهلايهن وهرپرسهيل شارهوانی شارهگه و نوێنهرهيل ههردو پارت ديموكرات كوردستان و يهكيهتی نيشتمانی كوردستان و وهڕێهوبهر پۆليس شار مهنهلی پێشكهش كريا.
ههميش چهن پارچهشعريگ پيشكهش كريا ك تهقالايل شوڤێنی ئهرا لهناوبردن ناسنامهی رهسهن مهنهلی ئيدانه كردن و داوا كريا ك مادهی 140 جيوهجی بكريهيگ.
شايان باسه شمارهيگ له هاووڵاتيهيل و خێزانهيل شههيدهيل و وهرپرسهيل كورد ئامادهی ئهی ئاههنگه بوين.
| < پێشتر | دواتر > |
|---|
