شهفهق/ ئئتلاف فراكسیۆنهیل كوردستانى ، ئمڕوو دوشهممه، لهبان ئهوه جهختكرد ك وه شیوهیگ ههستیارهو
نیهنووڕیده مهسهلهى مهنین هێزهیل ئهمریكى له عیراق له شوون ساڵ 2011، وهلى ئاماژهیش وهوهدا ك مهنینیان له چهن ناوچهیگ وهگرنگ زانست وهتایبهتى ناوچهیل داوڕیاى له ههرێم كوردستان ك وه ناوچهیل جیناكووكى ناویان بهن.
موئهیهد تهیب قسهكهر وهناو ئئتلاف فراكسیۆنهیل كوردستانى له قسهیلى ئهرا شهفهق وت:"لیست كوردستانى وهههستیاریهو نیهنووڕیده مهسهلهى مهنین یا دهرچوین هێزهیل ئهمریكى له شوون 2011 ، وهویچ ههڵوێست یا مهوقفیگ لهى باوهتهو نهیرى.
بڕیاریشه ك هێزهیل ئهمریكى وهل كووتایى ئمساڵهو له عیراق خوهیان بكیشنهو وهگوورهى ڕیككهفتننامهى ئمزاكریاى لهناوبهین ههردوگلا.
تهیب وهوهیشه ئاماژهدا ك:" كورد ئهوه دوینى ك مهنین هێزهیل ئهمریكى له چهن ناوچهیگ فرهگرنگه، چوینكه مهترسى فرهیگ هاتیان و تایبهتمهندى خوهیان دیرن وه بهراورد وهل ناوچهیل تر". و ئهوهیشه ڕووشنهوكرد ك ئى مهنینه ئهگهر لهبانى ڕیككهفتیمن بایهته تا مهوقهى جیوهجیكردن ماددهى 140 دهستوورى بوود".
قسهكهر وهناو ئئتلاف فراكسیۆنهیل كوردستانى زیالتریش وت:"ئهنجوومهن نوێنهرهیل عیراق له دویا نیشتن خوهى لهبان ئهوه ڕیككهفت ك لوجنهیگ دامهرزنى له 20 نوێنهر پیكهاتوى ئهرا چهودیرى كردن جیوهجیكردن ماددهى 140 دهستوور عیراق".
شایان وتنه ك ماددهى 140 یهكیگه لهماددهیل دهستوور عیراق ئهرا چارهسهركردن كێشهى ناوچهیل جیناكووكى ناوبهین ناوبهین ههرێم و پارێزگایهیل عیراق وهگشتى.
شایان باسكردنه ك كارنامهى حكوومهت حازرى ئهوه هاتى ك پابهنده وه جیوهجیكردن ماددهى 140 دهستوور وه ههرسێ قوناغهیلیهو ك ئاسایى كردن و سهرژمارى و ڕاپرسى یه له پارێزگاى كهركووك و گشت ناوچهیل جیناكزكى ، ك بریار بوى قوناغ ئاسایى كردن له 29 ئادار/مارس2007 تهواوبوود و له شوونیشى سهرژمارى گشتى له 31 تهممووز/2007 و ئنجا دهسوهپیكردن وه دویاقوناغ ك ڕاپرسیه له 15 كانوون دویم/ نۆڤهمبهر 2007، وهلى هویچ لهى سێ قوناغهیله تا ئمڕوو تهواو نهكریاس وهخاتر ناكووكیهیل سیاسى.
| < پێشتر | دواتر > |
|---|
