شهفهق/ ئهندامیگ ئهنجوومهن پارێزگای دیاله ئاشكرایهوكردد: بهشه بودجهی پارێزگای دیاله له ساڵ 2011 نزیكهی پانسهد ملیار دینارهو لهی بهشیشه وه گورهی شمارهی . . .نیشتهجایهیل قهزای خانهقین 22 ملیار ئهرای دیاریكریاگه ك 16 ملیار له پارهكه زیاتره.
ئهندام ئهنجوومهن پارێزگای دیاله له بان لیست كوردستانی "نهسرین بههجهت" وه ئاژانس خهوهری پهیامنێر وت: ئمساڵ بهشه بودجهی پارێزگای دیاله نزیكهی پانسهد ملیار دیناره و ئهی بڕیشه وه گورهی شمارهی نیشتهجایهیلی له بان شارۆچكهیل پارێزگاگه بهشهوكریاس.
وتیش: شارۆچكهی خانهقین 22 ملیار بهشی كهفتیه.
نهسرین بههجهت ئاشكرایشی كردهو: ئمساڵ 16 ملیار دینار بهشه بودجهی خانهقین زیای كردگه ك ئهیهیش كاریگهری خاسیگ دیرێ له ئاوهدانهوكردن خانهقین و شارهدێ و ئاواییهیل سنوورهگه چوینكه فرهتریان تا ئیسه پرۆژهیگ ئهوتۆ لهتی ئهنجام نهدریاس.
ئاماژهدا: سالهیل گوزهیشته گهندهڵی فرهیگ كریاگه و بهش فرهیگ بودجهی ناوچهگان دیاری نهمهنیه یا دزیاس وهلی ئهرا ئمساڵ ئهو بهشه بودجهیله ئهرا شوینهگان دیاری كریاس بایهته خهرج بكریهێد و ئهتویهنیمن ئمساڵ بكهیمنه سهرهتای ئاوهدانهوكردن، ههر وهیخاتریشه ماوهیگ لهیهووهر شمارهیگ وهزیرو جێگر سهرۆك وهزیرهیل سهردان باقووبه كردنه و وهل گشت لایهنهگان گردهوبوینه.
ئهوهگ جی ئاماژهس ئهو ناوچهیله ك كهفنه سنوور ماددهی 140 بیجگه لهوهگ لهروی ئیدارییهو سهر وه حكوومهت ناوهندین وهلی له لایهن حكوومهت ههرێم كوردستانهو ساڵانه بڕه بودجهی دیاریكریاگ ئهرایان تهرخان ئهكریهێد و پرۆژهی گرنگیشیان پێشكهش ئهكریهێ و له دویای رمیان رژیم بهعسیشهو فرهتر ئهو پرۆژهیله لهو ناوچهیله ئهنجامدریانه فرهتریان له لایهن حكوومهت ههرێمهوه بویه.
pna
| < پێشتر | دواتر > |
|---|
