شهفهق/ حكوومهت مهحهلی له پارێزگای ميسان ئعلان كرد تويهنستنه نوای خوهی كوشتن وهجهميگ له كارگهرهيل بيگانهيگ له ناو كۆمپانيايگ
مهحهلی تايبهت وه سازين شوونهيل نيشتهجابوين بگرن و ئهی كارگهرهيله چوينكه ئهرا ماوهی 2 ساڵه موچهيگ پيشكهشيان نهكرياس تواسنه وهشيوهی دهسهجهمی خوهيان بكوشن. مهيسهم لهفته فهرتووسی جيگر سهرۆك لوجنهی ئهمن و ديفاع له ئهنجوومهن پارێزگا ئعلان كرد: لوجنهی ئهمن و ديفاع زانياريهيليگ رهسيهسه دهسی ك 33 كارگهر سيرلانكايی ك له كۆمپانيای تهلعهت حوسام مهحهلی كاركهن لهشوون ئهوهگ ئهرا ماوهی 2 ساڵه موچهيگ نهدرياسه پيان بڕياردانه وهشيوهی دهسهجهمی خوهيان بكوشن. ناوبرياگ ههميش وت: زوی زوی لوجنهيگ پێكهاورديمنه و ئهرا شوون كار كۆمپانياگه چيمنه و هێزهيل عيراقيش ناوچهگه بهسان. فهرتووسی ههميش وت: كارگهرهيله چينهسه بان بنايهيل بهرز و حهبليش وهل خوهيان بردنه تا خوهيان بكهنه دارهو، ئيمهيش تهقالا كرديم ئهرا ئارامهو كردنيان و وهليانهو گفتوگوو كرديم و وهختيگ ئاگاداريان كرديم ك گوژمهی 250ههزار دينار جوور دهسمهيهت لهلايهن حكوومهت پيشكهش ههر كارگهر كهيم ئارامهوبوين و قهبوول كردن لهو بنايهيله بانهو خوار.
| < پێشتر | دواتر > |
|---|
