شهفهق/ له ڕاپرسييگ دهزگای ڕووشنهويری و ڕهسانن شهفهق ك له لاپهڕهی تايبهت دهزگاگه له ماڵپهڕ
فهيسبووك ئهنجام دريا، شمارهيگ له كهسايهتييهيل سياسی و ڕووشنهوير و نويسهرهيل و بوارهيل تر، لهبارهی كاركردن ئهرا زينگهوكردن شيوهزار فهيلی و كاريگهريی لهبان زووان كوردی وهبهشداری كردنيان له ڕاپرسييهگه لهوبارهوه ڕای خوهيان دان.
له ڕاپرسييهگه ك وهناونيشان (ئايا كاركردن ئهرا زينگهوكردن شيوهزووان كوردی خوارگ(فهيلی) خزمهت وه زووان كوردی ڕهسنێ؟) وهڕێهوچی، 116 كهس بهشداری كردن و فيشتر بهشداربويهيل وهدهنگ (بهڵێ) پشتگيری له كاركردن ئهرا زينگهوكردن ئی شيوهزووانه كردن و هانهبان ئهو باوهڕه ك كاركردن لهی بواره خزمهت وه زووان كوردی ئهكا.
شومارهی دهنگهگان وهيجوورهس:
بهڵێ 99 دهنگ
تا ڕادهيگ 6 دهنگ
نهخێر 4 دهنگ
نازانم 7 دهنگ
لهلای خوهيهو نويسهر و شاعێر عهلی مێحرابی ك يهكيگه له بهشداربويهيل ڕاپرسيهگه هابان ئهو باوهڕه ك خزمهتكردن وه شيوهزووان فهيلی خزمهتكردن وهكورد و زووانهگهيه و ئويشێ:" کار کردن ئەڕا خزمەت وە شيوەزووان فەیلی خزمەت گەورايگە وە کورد و زووانەگەی و نیشانەێ شایستەگی خزمەتکارەیل ئەو شێوەزووانەسە، ئەگەر هەرکەسێگ دەس وە دارایی زووانەوانی خوهێ بکیشێ بەش فرەێگ وە وەرین (تاریخ) کوماێ بەشەری فەوتيهێد".
جی باسه ڕاپرسيهگه له لاپهڕهی تايبهت دهزگای شهفهق له بان ماڵپهڕ فهيسبووك جارێ وهردهوامه.
| < پێشتر | دواتر > |
|---|
