شهفهق/ تایبهت
خانهقین ڕهسیه نزیكهى 35 تا 37% له شوون ڕهد بوین زیاتر له نیمهى ئهو ماوه ك ئهرا تهواوكردنى تهرخان كریاس.
ئهو سهرچاوه ك قهبوول نهكرد ناوى ئاشكرا بكریهید زیاتریش وت: كۆمپانیاى جیوهجیكهر، ك كۆمپانیاى رافدهین گشتى سهر وه وهزارهت داهاتهیل ئاوى عیراق فیدراڵه، ئهو پهڕ ههوڵ دهید ئهرا ههرچى زویتر تهواوكردن كارهیل دامهزرانن ئى وهربهسه؛ تاگهر بتویهنى پابهند بوود وهو ماوه ك ئهرا جیوهجیكردنى تهرخان كریاس ك 700 ڕووژه و تائیسه زیاتر له نیمهیگى تهواو بویه و ڕێژهى كاریش ڕهسیهسه نزیكهى 35 تا 37% و یهیشه جووریگه له دویاكهفتن".
ناوبریاى هووكار دویاكهفتن كارهیل دروس كردن وهربهسهگه ئهرا ئهوه بردهوه ك:"له نزیك شوون جهمهو بوین ئاو ئى وهربهسه چهن كارخانهیگ موڵكى تایبهت وه دروس كردن خشت (تابوق) بوى و ههڵگردن ئى كارخانهیله ماوهى فرهیگ كیشا".
سهرچاوهگه پیشبینى ئهوهیشهكرد ك:"كارهیل ئى وهربهسه لهو ماوه ك مهنیهسهوه وه گشتى تهواو بكریهید".
شایان وتنه ك وهربهس ئهڵوهن یهكیگه لهو پرۆژهیله ك كۆمپانیاى ڕافدهین گشتى سهر وه وهزارهت داهاتهیل ئاوى جیوهجیى كهید وه كولفهیگ گشتى 30 ملیار و 25 میلیۆن دینار عیراقى و ماوهى جیوهجیكردنیشى 700 ڕووژه و هووكار سهرهكى دروسكردنى ئهوهسه ك ئاو واران و لافاوهیل جهمهو بكهید ئهرا ئهوهگ سوود لهلى وهر بگریهید ئهرا كشتوكاڵ و پڕ ئاو كردن ئاوهیل ژیر زهوى(المیاه الجوفیه) و چارهسهركردن كێشهى كهمى ئاو خواردن، ئهوه بیجگه دابین كردن بڕیگ ئاو ك بهش كهید ئهرا ئاوداین 35 ههزار دۆنم له زهویهیل كشتوكاڵى قهزاى خانهقین ك وه بهرههمهیل كشت و كاڵى و پرتقاڵ و لیموو و شامى و برنج و باخهیل میوه ناودهركردیه.
ئهوهیشه مهنیه بویشیم ك وزهى عهمباركردن ئاو ئى وهربهسه 82.37 میلیۆن مهتر چوارجاى ئاوه، و دریژى وهربهسهگه 1330 مهتره وه بهرزایى 24 مهتر و پانى 8 مهتر.
| < پێشتر | دواتر > |
|---|
