شهفهق/ چالاكوان و شیهوكهریگ سیاسى ئهوه ئاشكراكرد ك ئهو گهناتهكاریه پهرش و بڵاو بویهسه ناو
فهرمانگه و وهزارهت و دام و دهزگایهیل حكوومى لهئاكام ئهوه هاتیه ك چوارچیوه و بهرنامهیلیگ نیه ئیدارهت دهوڵهت كۆنترۆڵ بكهن.
ئهحمهد ناسر فهیلى له قسهیلى ئهرا شهفهق لهى باوهته وت ك:" قانوونیگ نیه ئهرا ڕیكخستن نیشتنهیل ئهنجوومهن وهزیرهیل و ڕیكخستن دهسڵاتهیلى".
زیاتریش وت ك:"ئهگهر ههر وهزیریگ بوخت گهناتهكارى بكریهیده پیهو، سهرۆك وهزیرهیل یا ههر لایهنیگتر لهو وهخته نیهتویهنى حساو وكتاو وهلیهو بكهید". و یهیشه:"گیژاوهیگه نهسهر دیرى نهبن ئهوه بیجگه زووران و كیشمهكیشهیل هاودژهیل".وهگوورهى قسهیلى.
فهیلى ئهوهیشه پرسى ك:"چوین دهیان میلیار دۆلار له خهزینهى عیراق نهمهنیهسهى؟ و ئهراى چه تهحقیق لهباوهتى نهكریاس؟ چوین باس له ئهزموون دیموكراتى و وهردهوامبوینى و دوباره زینیهوكردن دام و دهزگایهیل و ژیرخانهیل بكریهید ئهگهر دارایى گشتى وهى جووره له ڕووژ نیمهڕوو دزیهید؟".
لهوهیشه وشیاركرد ك:"كێشهى گهناتهكارى فره خهتهرناكهو بویه، و ئهگهر وه شیوهى خاسیگ نهڕهسنه پیهو، ئهوه كارهگه ههوهجه وه ناڕهزایى دهربڕین جهماوهرى دیرید، وهتایبهتى ك ههژارى و نهدارى و بیكارى و ژینگهى دویاكهفتن ههڕهشهى ئهوه دیرن تهقینهوهیگ مللى گهورا ڕوى بیهید ك شایهت له كیشا نهود و دویدمان گهنیگ وهشوونیهو بوود".
| < پێشتر | دواتر > |
|---|
