وهبونهی هاتن عهيد قيامهت گهرمترين پيروزبايی وجوانترين چهپكه گولهيل وههاری خوهم وهاوكارهيلم له راديوشهفهق ئاراسهی خوهشك وبرايهيل مهسيحی كهم وله خودای گهورا توام ئی عهيده ههرسال وهخوهشی وسلامهتی وئارامی وئاسايش بهرپابكريهی .
بی گومان حهزرهت مهسيح سهلام خودا لهلی بووگ يهكيگ له پهيغهمبهرهيل ئلاهيه وپهيڕهوهيلی وهئههل كتاو ناسريهن وپهيام ئی ئاينه پهياميگ ئنسانی وبهشهردوسيه وجی خوهيه ئيمهی موسهلمانيش ڕيزوحورمهت لهی ئاين كيوهنه وپهيرهوهيلی بگريم ك سالهيل ديورودريژيگه لهی ولاته وهل يهكا ژيهيم . ئيمه لهوهختيگ سهرلهنووهاتن عهيد قيامهت وهئهزيزهيل مهسيحی موبارهك بايی ئيوشيم له گشت هاولاتيهيل عراقی وهتايبهت هاوزوانهيل كوردمان داوا كهيم جورئهركيگ ئنسانی وهشيوهی وهردهوام هاوكاری ئی ئهزيزهيله بكهن وله ماف ڕهوايان پشتگيری بكهن تا سهرجهم مللهت عراق له سايهی عراق تازه وهخوهشی وئاسايش وئارامی وهل يهكا بژيهن .
جواد كازم عهلی
وهڕيهوبهر راديو شهفهق
