شهفهق/ وهڕيهوبهر ئیدارهى ڕیكخریاى كوردهیل فهیلى ئازاد جهخت له بان ئهوه كرد ك دهزگاى (شهفهق) تهنيا
مهنبهریگه ئهرا وهرگریكردن له ههق كوردهیل فهیلى و نوێنهرایهتى ڕووڵهیل ئى چینه ئهكا له دامودهزگایهیل ڕهسانن، لهوهر ئهوه وه ڕاسى وه دهنگ كوردهیل فهیلى دریهیده قهڵهم.
عهلى رهجهب ڕهحیم له پهیوهندییگى وهل شهفهق زیاتریش وت:"توایم چارهنویس ڕووڵهیلمان بزانیم ك ڕژیم وهرین بى سهر و شوینیان كرد، و توایمن بزانیمن شوون خاك كردنیان ها كوو، و توایمن ئى چینه ئنساف بكریهید و ههقهیل زهفتكریایان بدریهیدهوه ك ڕژیم وهرین چهپاوى كرد". و ئهوهیشه ڕووشنهوكرد ك:" له ڕووژ ڕمیان دیكتاتۆریهتهو تا ڕووژ ئمڕوو ئیمه سهرداین فهرمانگهیل دهوڵهت كهیمن بى ئهوهگ وه چارهسهریگ خاس یا وه ئاكامیگ بڕهسیمن، و هیمان ئهقڵیهت بیمار شۆڤینى زاڵه وهبان زوورمى فهرمانبهرهیل دهوڵهت ك وه (تهبهعیه) و (ئیرانى) و سفهتهیلیگتر ناومان بهن ك له ئیمهى عیراقى ڕهسهنهو دویره، چوینكه تا ناو بهغدا بووریهید له نواى گشت چشتى ناو كوردهیل فهیلى ڕهسیده گووش".
| < پێشتر | دواتر > |
|---|
