شهفهق/ هاوپهیمانى نیشتمانى عیراقى ئمڕوو پهنجشهممه ئهوه ئاشكراكرد ك 100 ئمزا له ناو ئهنجوومهن
نوێنهرهیل گردهوكردیه، ئهرا داواكارى ههڵوهشانن بڕیارهیل ئهنجوومهن سهركردایهتى شووڕش ههڵوهشیاى ك دژ وه كوردهیل فهیلى دهریان كردیه و ئهوهیشه ئاشكراكرد ك داواكاریهگه له نیشتنهگهى ئمڕوو دریهیده سهرۆكایهتى ئهنجوومهن نوێنهرهیل.
عهبدولحوسهین عهبتان، نوێنهر له هاوپهیمانى نیشتمانى له پهیوهندییگى وهل شهفهق وت:"له ڕووژ چوارشهممه تویهنستیمن ئمزاى 100 نوێنهر گردهو بكهیمن له ئهنجوومهن نوێنهرهیل وهخاتر دهنگداین ئهرا ههڵوهشانن بڕیارهیل ئهنجوومهن سهركردایهتى شووڕش ههڵوهشیاى ك دژ وه كوردهیل فهیلى دهرچوینه".
ئهوهیشه ڕووشنهو كرد ك:" بڕیارهگان وهى شمارهیلهنه:972، 536، 413، 180، 518، 666، 1468، 1194، 329، 456، 890، 363، 511، 722، 141 و 474 و ئى بڕیارهیله ئهوه هاتیان ك ڕهگهزنامهى فهیلیهیل لاوریهید و كووچوهپیان بكریهید و ماڵ و دارایى و موڵكهیلیان چهپاو بكریهید و چهن قانوون و بڕیار و ڕاسپاردهیل زاڵمانهیگتر ". و ئهوهیشه ئاشكراكرد ك :"داواكارى ههڵوهشاننهگه ئمڕوو دریهیده سهرۆكایهتى پهرلهمان تا بخهیدهى ناو كارنامهى نیشتن هاتى".
و ئاماژهیش وهوهدا ك :"دهنگداین لهبان ههڵوهشانن ئى بڕیارهیله لاى كهم مانگیگ یا زیاتر تواید لهوهر سهرقاڵى ئهنجوومهن نوێنهرهیل وه پرۆژهیل و بڕیارهیل پیشكهشكریاى ئهرا سهرۆكایهتى ئهنجوومهنهگه و كهمى وهخت". و ئهوهیشه وت:"ئى داواكاریه ڕیڕهو قانوونى خوهى وهرگردیه و بایهته بخریهیده ناو خشتهى كارهیل یهكیگ له نیشتنهیلى ئهرا ئهوهگ دهنگ لهبانى بدریهید".
| < پێشتر | دواتر > |
|---|
