شهفهق/ نوێنهریگ ئئتلاف فراكسیۆنهیل كوردستانى ئهوه ئاشكرا كرد ك ئهنجوومهن نوێنهرهیل عیراق، دهنگداین لهبان
ئهو بڕیاره ك تاوانهیل ڕژیم وهرین دژ وهكوردهیل فهیلى وه جینۆساید شماره كرد، خسته بهرنامهى كارهیل خوهى".
پهریزاد شهعبان له پهیوهندییگى وهل شهفهق وت:" لوجنهى قانوونى، داڕشتن بڕیارهگه پیشكهشكرده سهرۆكایهتى ئهنجوومهن نوێنهرهیل، ئهرا دهنگداین لهبانى، له نیشتنهگهى ڕووژ شهممهى هاتى".
شهعبان ههوڵ و تهقهلایهیل ئهندامهیل ئهنجوومهن ستایش كرد له ئان تاوتوێكردن كێشهى جینۆسایدكردن كوردهیل فهیلى له نیشتنهیل وهرین ئهنجوومهنهگه.
زویتر ئهندام لوجنهى قانوونى له ئهنجوومهن نوێنهرهیل عیراق له قسهیلى ئهرا شهفهق ئهوه ئاشكراكرد ك:"لوجنهى قانوونى ڕهشنویس پرۆژه بڕیاریگ تهواوكرد ك تاوانهیل ڕژیم وهرین دژ وهكوردهیل فهیلى وه جینۆساید دا قهڵهم و بایهت بوى ئهنجوومهن نوێنهرهیل له نیشتن وهرین دهنگ لهبانى بیاتاد، وهلى لهوهر تهواو نهوین نیساب ڕى وهى كاره نهیا". و ئهوهیشه ڕووشنهوكرد ك:"داڕشتن پرۆژهى بڕیارهگه ههریهك له لوجنهى قانوونى و لوجنهى ماف ئادهمیزاد و لوجنهى باروهپیكریایهیل و كووچوهپیكریایهیل لهتى بهشدارى كردن".
| < پێشتر | دواتر > |
|---|
