شهفهق/ هۆشیار زێبارى وهزیر خارجیهى عیراق باس له خهرج ئامادهكاریهیل لویتكه یا قمهى عهرهبى كرد، ك
بڕیاره له ڕووژهیل 10 و11 هى مانگ ئهیار ئاینده گریه بدریهید، ڕهسیده 450 میلیۆن دۆلار، ههر له ههمان وهخت سهرۆك جهلال تاڵهبانى ئامادهكاریهیل عیراق ئهرا گریهداین ئى لویتكه وهل سهفیرهیل یهكیهتى ئۆروپا خستهوهر باس و لهیهكهوداین.
زیبارى له جووار پرسیارهیل دامودهزگایهیل ڕهسانن ناوخوهیى و دهرهكى وت:"ئهو بڕ پویله ك ئهرا چالاكیهیل لوجنهى ئامادهكارى لویتكهگه تهرخان كریاس ڕهسیه 450 میلۆن دۆلار".
زویتر حكوومهت عیراق 300 میلیۆن دۆلار تهرخانكرد ئهرا دوباره ئامادهباشى نهك ئاوهدانكردن گهوراترین 6 ئووتێل له بهغدا جوور ئامادهكارییگ ئهرا لویتكهى عهرهبى.
ئووتێلهگانیش ههر یهك له (ئووتێل ڕهشید ك هاله ناو ناوچهى سهوز، مهنسور، میریدیان، شیراتۆن، بهغدا و بابل)ن.
زیبارى ئهرا ئاژانس فرانس پرێس له بان ئهوهیشه جهختكرد ك:" كۆمپانیایهیل وه شیوهیگ نیمچه تهواو ههرچى كاره له كووشك كۆمارى تهواوكردنه".
شایان باسه ك كووشك كۆمارى زویتر كریا بارهگاى سهفارهت ئهمریكا له شوون ڕمیان ڕچیم وهرین له نیسان 2003، و له یهكم كانوون دویم ساڵ 2009 دانهى دهس دهسڵاتدارهیل عیراقى.
| < پێشتر | دواتر > |
|---|
