شهفهق/ دهستهى وهبهرهاوردن نیشتمانى عیراقى ئهوه ئاشكراكرد، ك خهریكه وهل 10 كۆمپانیاى ناودهوڵهتیهو
گفتوگوو كهید ئهرا دامهزرانن یهك میلیۆن یهكهى نیشتهجابوین له گشت پارێزگایهیل عیراق و ههرێم كوردستان، و لهبان ئهوهیشه جهختكرد ك بهشهگهى پایتهخت لهى یهكهیل نیشتهجابوینه 224 ههزار یهكهس.
سامى ئهعرهجى سهرۆك دهستهى وهبهرهاوردن نیشتمانى له قسهیلى ئهرا "سۆمهریه نیوز" وت ك:"140 كۆمپانیاى ناوخوهیى و ناودهوڵهتى فرهڕهگهز، ئۆفهر یا عروز پیشكهشكردنه ئهرا دامهزرانن ئى یهك میلیۆن یهكهى نیشتهجابوینه له چواچیوهى پرۆژهى نیشتهجاكردن نیشتمانى ك له بان ڕویوهر 80 ههزار دۆنهم زهوى جیوهجیكریهید".
ئهوهیشه وت ك:"دهستهگه لهى وهخته وهل 10 كۆمپانیاى ناودهوڵهتیهو گفتوگوو كهید له سهرجهم 36 كۆمپانیا ك لهو كۆمپانیایهیله ههڵوژیان ك ئۆفهر پیشكهشكردنه و له ڕهگهزهیل كۆرى و ئۆروپى و ئهمریكایى باشوورى وباكووریین".
| < پێشتر | دواتر > |
|---|
