شهفهق/ ئهرا بهشداریكردن له دانیشتنیگ تایبهت وه داڕشتن سیاسهت چالاكهوكردن بهش كار له ههرێم كوردستان، وهفدیگ وهزارهت كاروبار
كومهڵایهتی و وهزارهته پهیوهندیدارهگان له رێ تهیارهخانهی ناودهوڵهتی ههولێر رهسیه شار ئستهمبول توركیه.
لهو دانیشتنه ك نوێنهرهیل وهزارهت كارو كاروبار كومهڵایهتی حكوومهت ههرێم كوردستان و وهكیل وهزیر كاروبار كۆمهڵایهتی عراق دارا حهسهن و وهفدیگ رێكخراو كار ناودهوڵهتی ئامادهی بوین وتهی ئاسوس نهجیب وهزیر كاروكاروبار كۆمهڵایهتی ههرێم كوردستان پێشكهش ئامادهبویهیل كریا و سوپاس حكوومهت ههرێم كوردستان ئاراسهی رێكخراو كار ناودهوڵهتی ئای ئیل ئو كریا وهخاتر هاوكاری و ههماههنگی وهردهوامیان وهل وهزارهت كاروكاروبار كۆمهڵایهتی ههرێم كوردستان.
له دریژهی دانیشتنهگه كیشهو گرفتهیل رێ چالاكهوكردن كارخانهیل و رێ و شوين فهراههم كردن دهرفهتهیل كاری ئهرا بیكارهیل له عراق وهگشتی و ههرێم كوردستان وهتایبهت كهفته وهر باس و لهیهكهوداین و وهفد ئای ئیل ئو رێنماییهیل تایبهت پێشكهش وهفد عراقی كرد.
| < پێشتر | دواتر > |
|---|
