شهفهق/ سهرچاوهیگ له وهزارهت كاروبار شههیدهيل و ئهنفالكرياگهیل حكوومهت ههرێم ئاشكرايهوكرد،
لهجهم ئهو گۆڕهيل وهجهمه ك ههسهيان، لهماوهی شهش ساڵ گوزهيشته تهنيا (12) گۆڕ ههڵدريانهسهو.
وهڕێهوهبهر رهسانن وهزارهت كاروبار شههیدهيل و ئهنفالكرياگهیل ههرێم "فوئاد عوسمان" ئهرا ئاژانس پهیامنێر وت، وهگورهی ئامارهيل له سهرتاسهر عێراق (300) گۆڕ وه جهم ههس ك وه دهس رژيم بهعس زینگ وهچاڵكريانه و زیاتر له 80% ئهو گۆڕهيل وهجهمه كوردن و ئهواكان تر عهرهب شیعهن.
وتیش، لهسهرهتای كابینهی پهنجهم حكوومهت ههرێم وهگورهی بهرنامهیگ لهلایهن لیژنهی گۆڕهيل وهجهم وهزارهت كاروبار شههیدهيل و ئهنفالكرياگهیل ههرێم وههاوكاری وهزارهت ههقهيل ئايميزاد عێراق، دهسكرياسه ههڵداين ئهو گۆڕهيل وه جهمه.
ههميش وت تا ئيسه تويهنرياس تهنيا (12) لهو گۆڕهيل وه جهمه ههڵبدريهنهو، بهرنامه ههس گشت ئهو گۆڕهيل وهجهمه ههڵبدريهنهو.
فوئاد عوسمان ئاماژه ئهرا ئهوهيش كرد، بڕیاره له ههفتهی ئاينده كۆنگرهیگ بوهسین وه ناو "كۆنگرهی گۆڕهيل وه كۆمهڵ" و هايمنه تهما لهو كۆنگره نهخشهڕێیگ ئهرا ههڵدانهوهی ئهو گۆڕهيله دابنهيمن.
| < پێشتر | دواتر > |
|---|
