شهفهق/ نوێنهریگ هاوپهیمانى كوردستانى ڕووژ 4 نیسان 1980 وه ڕووژیگ سیه وهسفكرد له تاریخ
عیراقیهیل گشت ئادهمیزادیگ.
موحسن سهعدوون له پهیوهندییگى وهل شهفهق وت:" لهى ڕووژه ڕژیم وهرین عیراق سهدان ههزار كورد فهیلى دهركرد و دهیان ههزارتریش له ڕووڵهیلیان دهسگیركرد و چارهنویس زوورمیان تا ڕووژ ئمڕوو نادیاره".
سهعدون ئهوهیشه ڕووشنهوكرد ك:"پهرلهمان عیراق وه زوورمى فراكسیۆنهیلیهو وهگهرمى پیشوازى كرد لهو بهیاننامه ك نوێنهر پهریزاد شهعبان له نیشتنهگهى ڕووژ دوشهممه خوهنیهوهى ك پهیوهس بوى وهو تاوانهیله ك دژ وه كوردهیل فهیلى ئهنجام دریان".
لهباوهت ئهو ههنگامهیله ك پهرلهمان ئهڵیانگرتیه ئهرا دهركردن بڕیاریگ وه جینۆساید ناسین ئهو تاوانهیله ك دژ وه كوردهیل فهیلى ئهنجام دریا، سهعدون وت:"داوا لى سهرۆكایهتى پهرلهمان كریا ئیجووره بڕیاریگ دهربكهید، سهرۆكایهتییش فهرماندا سێ لوجنه ئهرا ئامادهكردن پرۆژهى بڕیاریگ لهى باوهته، ههریهك له لوجنهى قانوونى و لوجنهى كووچكردن وكووچوهپیكردن ولوجنهى ماف ئادهمیزادن".
لهباوهت دهنگنهداین پهرلهمان وهى بڕیاره له ڕووژ دوشهممه، سهعدون ئهوه ئاشكراكرد ك:"ئهو لوجنهیل ك ئهرك ئامادهكردن پرۆژهى بڕیاریگ لهى باوهى وهپیان سپاریاس نیهتویهنن وه یهك ڕووژ كاریان تهواوبكهن". و زیاتریش وت:"له ههفتهى ئاینده دهنگ دریهیده ئهو بڕیاره و ئیمهیش گهشبین یا متهفائلیمن وه دهنگداین وهى بڕیاره".
| < پێشتر | دواتر > |
|---|
