شهفهق/ چالاكوانیگ كورد فهیلى نیشتهجاى ئۆروپا وت ك پهرلهمان عیراق له ئان تاوتوێكردن كێشهى
كوردهیل فهیلى له ڕووژ دوشهممهى وهرین جوواو داواكاریهیل كوردهیل فهیلى له شوون ئهى ههمكه چهوهڕیكردنه ك چهن ساڵیگ كیشا.
مالك حهسهن له پهیوهندییگى وهل شهفهق وت:"ئیمه وهختى ژنهفتیمن ك پهرلهمان عیراق كێشهى كوردهیل فهیلى خهیده وهر باس و تاوتوێكردن فره خوهشحاڵهو بویمن، وهلى كوت و پڕ ئهوه دڵمان ڕهنجان ك شمارهى گهورایگ له پهرلمانتارهیل ئامادهنهوین له نیشتنهگهى ڕووژ دوشهممه".
مالك حهسهن ئهوهیشه پرسى ك:"ئایا بوود ئهندامهیل پهرلهمان وهى خهمسهردیهوه وهل ئى كێشه مامهڵهت بكهن ك تاوانیگه دژ وه چینیگ ئهوسا و ئیسایش وهفاداره ئهرا عیراق و له گشت قوناغهیل تاریخ عیراق نیشتمانپهروهرى خوهى چهسپانیه".
| < پێشتر | دواتر > |
|---|
