شهفهق/ له سهردانهگهى دويهكهى سهرۆك وهزیرهىل توركیا ئهرا لاى گورانیچڕ ئیبراهیم تاتڵیسس فۆرم بوين
وه ئهندام پهرلهمان پێشكهشی كرد.
رهجهب تهیب ئهردۆگان سهرۆك وهزیرهیل توركیا دويهكه جومعه 25/3/2011 سهردان هونهرمهند ئیبراهیم تاتڵیسس گۆرانیچڕ ناودار توركیا له نهخوهشخانهى (نهج بادێم) له ئهستهنبووڵ كرد و فۆرم بوين وه ئهندام پهرلهمان لهبان لیست (AK parti)یش وهپی وهخشى.
ئیبراهیم تاتڵیسس رووژ 14/3 لهلایهن چهن كهسيگ نهناسرياگهو تهقه لهليكريا و وهسهختى زهخمدار بوی، وهلی ئيسه باس له خاسبوين تهندروستى تاتڵیسس ئهكريهێد.
سهرۆك وهزیرهیل توركیا دوياى سهردانهگهى ئهرالاى ئیبراهیم تاتڵیسس وه رووژنامهنويسهیل ئعلانكرد "ئیبراهیم تهندروستيی فره خاسه، وهی نزیكهيله بريهێده ژويهر تایبهت خوهى و تهداوی فیزیكی دهسوهپی ئهكا".
ههميش ئهردۆغان ئهرا رووژنامهنويسهىل ئاشكرا كرد ك ئیبراهیم ئهخوازێ بدێده پهرلهمانتار وت "وه ئیبراهیم وتمه ك من سوو سهردان ئهدهنه كهم، ئهویش داواگهی خوهی وته پيم ك ئهخوازێ بدێده كاندید ئهرا بوين وه ئهندام پهرلهمان له بان لیست ئاك پارتی، منیش داواگهی قهبووڵكردمهو وهپيشی وتمه ك ئهو كاندیده ئهرا پهرلهمانتاری لهبان لیستهگهمان".
وهگورهى زانیاریهيل تاتڵیسس وهرجله رويداگهگه بڕیار داويد سهردان بینای ئاك پارتی بكا ئهرا ئهوهگ بدێده كاندید ئهندام پهرلهمان لهبان لیست ناوبرياگ.
| < پێشتر | دواتر > |
|---|
