شهفهق/ پسپۆریگ قانوونى لهبان ئهوه جهختكرد ك ئهو ماوهى 100 ڕووژه ك سهرۆك وهزیرهیل دهسنیشانى
كرد ئهرا خاسهوكردن كار حكوومهت چراخه سحریهگهى عهلائهدین نیه و ئهو كلوانگه نیه ك سیه چهرمگهو كهید.
تارق حهرب له قسهیلى ئهرا شهفهق لهى باوهته زیاتریش وت ك :"ماوهى 100 ڕووژهگه شایهت ئهو بنهڕهتهیله دهسنیشان بكهید ك بایهته فهرمانگهیل دهوڵهت لهبانى بچن ئهرا ئهنجامداین گۆڕانكارى جوورییگ له خزمهتگوزاریهیل و له كار ئیدارى و له ئهركهیل حكوومى". و وتیش ك :"ئهوهگ تویهنریهید لهى ماوه ئهنجام بدریهید، بایهته بكریهید ئهرا ئهوهگ ئهو پهیمانه ك حكوومهت كردهى ئهرك سهرشان خوهى جیوهجى بكریهید".
تارق حهرب لهبان ئهوهیشه جهختكرد ك :"بایهته سهرهتاى كار ڕاسهقینهى حكوومهت وهچهو خوهمان بوینیمن تا هاوڵاتیهیل دڵنیا بوون ك حكوومهت پشت بهسایه ئهرا جیوهجیكردن ئهوهگ مللهت خوازیاریه". و وت :" من گهشبینم وهى ماوهى زهمهنیه، چوینكه ئهوهسه ئهسهرى دیار دهید لهبان زهوى ڕاسهقینه و مهردم وه شیوهیگ واقعیانه وهچهو خوهیان دویننهى، و یهیشه كار خاسیگه".
| < پێشتر | دواتر > |
|---|
