شهفهق/ چالاكوانیگ سیاسى لهبان ئهوه جهختكرد ك ئۆپهراسیۆن بهرپاكردن یا خهڵقكردن كارهوداین یا ردود
افعال كوردهیل فهیلى لهباوهت كێشهگهیان ئهرك سهرشان لایهنهیل جیاجیاس وهتایبهتى پارتهیل و ڕیكخریایهیل كوردى، ئهوه بیجگه دهزگایهیل ڕهسانن، و لهوانهیش دهزگاى شهفهق..
موهفهق خهسرهو فهیلى له قسهیلى ئهرا شهفهق داواى ئهوهیش كرد ك:"ههڵمهتیگ ڕهسانن و گریهداین كۆڕ و كۆنفرانس و گردهوبوینهیل جهماوهرى ئهنجام بدریهید لهخاتر چهسپانن ئهو دهسكهفتهیله ك لهى ماوهى دویاییه كهفتهدهس كوردهیل فهیلى".
زیاتریش وت:"خودنیشانداین كوردهیل فهیلى ئهرا داواكردن ههقهیلیان، وهتایبهتى لهى وهخته، شایهت كاریگهرى نهرێنى یا سلبى داشتوود لهبان كێشهگهیان، چوینكه ئیمه ههوهجهمان ها وه داواكارى جیوهجیكردن بڕیارهیل دادگاى باڵاى تاوان وه ههردوگ شیوهى قانوونى و جیوهجیكردن، جوور ههقداین و چهسپانن دهسكهفتهیلیگ ك وهریگهى بڕیار دادگاوه بویه وهخاتر دهركردن و نویسانن قانوونهیلیگ تهواوكهر، جوور جیاوهكردن یا ئستسناى كوردهیل فهیلى لهو ڕۆتینه ك له معامهلهى موڵكدارى تویشیان تیهید و دامهزرانن چهندین لوجنه ئهرا مینهكردن روفات(تهرم) جایڵهیل كوردهیل فهیلى و ههڵوهشانن یا لهغوكردن (شهاده جنسیه) جوور بنهڕهتیگ ئهرا ڕهگهزپهرسى و دوچهوهكى كردنه دژ وه كوردهیل فهیلى له ناو كوومهڵگاى عیراقى ك خستیهسانهى خانهى تهبهعیهت بیگانه".
موهفهق فهیلى ئهوهیشه داواكرد ك:"پارت و ڕیكخریایهیل و دامودهزگایهیل ڕهسانن كوردى فشار بارنه بان حكوومهت وه ڕیگهى گریهداین كۆڕ و كۆنفرانس و گردهوبوینهیل جهماوهرى وهخاتر دهركردن قانوونهیلیگ ئهرا قهرهبووكردن زهرهدمهنهیل لهدریژى ئهو ماوهى گوزهیشته".
| < پێشتر | دواتر > |
|---|
