شهفهق/ ئهنداميگ پهرلهمان عێراق له سهر پارێزگای نهینهوا ك سهر وهلیست هاوپهیمانی كوردستانه پيشبینی
ئهوه كرد، كورد لهههڵوژاردن ئايندهی ئهنجومهن پارێزگای نهینهوا، نزیكهی (20) بیس كورسی وهدهس بارێ.
(مهحما خهلیل) وه ئاژانس ههواڵ ناوخۆ وت، لهشوون شكست خواردن لیست حهدبا لهوهڕێهوبردن پارێزگای نهینهواو جيوهجيكردن داخوازییهیل مهردم، پيشبینی ئهكريهێ لهههڵوژاردن ئايندهی ئهنجومهن پارێزگای نهینهوا، لیسته عهرهبهگانیش بچنه شان لیست برایهتی، وتیش:"ئيسه ئهرا مهردم ئاشكرا بويهسهو، ك لیست برایهتی و كورد له گشت پارێزگا و ناوچهگان كار ئهرا گشت عێراقییهيل كهن و دروشم شۆڤێنییهيل عهرهب و كۆنه بهعسییهگانیش كهفته دروو".
ئهو پهرلهمانتاره ئهوهيش خستهڕوى، لهههڵوژاردن وهرين ئهنجومهن پارێزگايهيل لهناو شار موسڵ، كورد دهنگ ئهوتۆیگ وهدهس ناورد، وهلی ئهرا ههڵوژاردن ئايندهی ئهنجومهن پارێزگای نهینهوا، پيشبینی كريهێ لیست كورد ك لیستی برایهتییه لهناو شار موسڵ و ههر (16) شانزده یهكه ئیدارییه كوردنشینهگه، دهنگ خاسيگ وهدهس بارێ، وتیش:"شايهد ئهيجاره لیست برایهتی یهك لهبان چوار دهنگ پارێزگای نهینهوا وهدهس بارێ و (17) حهڤده تا (20) بیس كورسی وهدهس بارێ".
لیست برایهتی لهههڵوژاردن گوزهيشهی ئهنجومهن پارێزگای نهینهوا (13) سێنزه كورسی وهدهسهاورد وهخاتر ههڵوێست لیست (حهدبا)يشهو، وهسهرۆكایهتی (ئهسیل نوجێفی)، بایكۆت ئهنجومهن پارێزگای نهینهوا كرد.
| < پێشتر | دواتر > |
|---|
