شهفهق/ بهڕێوهبهر ڕهسانن وهزارهت پهروهرده لهبان ئهوه جهختكرد ك عیراق ههوهجهى هاوه بیناكردن زیاتر
له (6000) مهدرهسه ئهرا ساڵ هاتى.
وهلید حوسێن له پهیوهندییگى وهل شهفهق وت:"عیراق وهڕاسى ههوهجهى هاوه بیناكردن زیاتر له (6000) ئهرا ساڵ ئاینده" و ئاماژهیش وهوهدا ك:"وهزارهت پهروهرده تویش گیروگرفت ڕاسكانییگ هاتیه، ئهویش ئهوهسه ك شمارهى ئهوانهگ تیهن لهوانه فرهتره ك دهرچن". و ئهوهیشه ڕووشنهوكرد ك:" ئهوانهگ ئمساڵ له وهزارهت پهروهرده دهرچوینه نزیكهى (165000) قوتابى یا تهلهبهن و چوینهسه زانكۆهیل، لهوهختیگ ك شمارهى ئهو مناڵهیله ك لهمهدرهسه قهبوول كریانه نزیكهى (914000) قوتابى كوڕ و دویهته، و تهنیا ئى شماره ههوهجهى ها وه (600) مهدرهسه".
حوسێن له وهردهوامى قسهگانى وت:"ڕووژ وه ڕووژ ههوهجهمان زیاترهو بوود ئهرا بیناكردن گهوراترین شمارهى مهدرهسه ئهر پڕهوكردن كهمى مهدرهسه له عیراق وهگشتى و دهوامیش كریهیده سێ وهختى". و ئاماژهیش وهوهدا ك :"ئهو پویله تهرخانكریایه ئهرا وهزارهت پهروهرده بهش بیناكردن زیاتر له (400) مهدرهسه نیهكهید".
| < پێشتر | دواتر > |
|---|
