شهفهق/ نوێنهریگ ئئتلاف فراكسیۆنهیل كوردستانى داواكرد ههڵهپهڵه بكریهد له جیوهجیكردن مادهى 140 لهناوچهیل
جى ناكووكى، و ئهوهیشه ئاشكراكرد ك ئى ماده سهقامگیرى و وهیهكهوژیان ئاشتیانه له ناوبهین نهتهوه و دینهیل ئهو ناوچهیل مسۆگهر كهید.
دكتۆر سهعید خۆشناو له قسهیلى ئهرا شهفهق زیاتریش ئویشى:"جیوهجیكردن مادهى 140 چارهسهركردن ههرچى گیروگرفت سنوورى یا حدودى ناوبهین حكوومهت ههرێم كوردستان وحكوومهت فیدرالى دابین كهید و ئى ماده له هویچ مادهیگ دهستوورى تر كهمتر نیه".
ئهوهیشه ڕووشنهوكرد ك:"جیوهجیكردن مادهى 140 سهقامگیرى و وهیهكهوژیان ئاشتیانه لهناوبهین نهتهوهو دینهیل ناوچهیل داوریاى دابین كهید". ولهبان ئهوهیشه جهختكرد ك:"ئى ماده تهنیا ئهرا ناوچهیل داوڕیاى له كوردستان نهنویسریاس ، بهڵكو ناوچهیلیگتریش له عیراق گریدهوه". و وت :"ئهو كهسهیلیشه ك مادهى 140 وهكهم زانن وئویشن ههوهجه نیه ئهرا جیوهجیكردنى هانهبان غهڵهت ، چوینكه یه مادهیگ دهستووریه ك زیاتر له 80% له عیراقیهیل دهنگ دانهسه پى". و ئهوهیشه پرسى ك :" ئهوانهگ وهى ناوچهیله ئوین جى مرافه ، ئایا مرافهیگ ها ناوبهین كهركووك و تكریت جوور نموونهیگ".
ئهوهیشه خیتهدهیشت ك:" ئهگهر ئى ماده جیوهجیى نهكریهید خهتاگه ها گهردن پهرلهمان وحكوومهت عیراق ".
| < پێشتر | دواتر > |
|---|
