شهفهق/ ئهندامیگ ئهنجوومهن نوێنهرهیل عراق سهر وه لیست عراقیه داكووكی كردگه
ك مهسهله گومهوبوین یا نهمهنن چل ملیار دولار له سهندووق گهشهكردن عراق راسه. شاكر كتاب تایبهت ئهرا شهفهق وتگه: مهسهلهی گومبوین یا نهمهنن چل ملیار دولار له سهندووق گهشهكردن عراق راسه و حكوومهت عراق دهس كردگهسه تهقالا ئهرا پهیا كردن ئهو پویله.
شایان باسه ئوسامه نوجهیفی سهروك پهرلهمان عراقی چهن رووژ لهیهووهر له كۆنفرانسیگ رووژنامهگهری باس تهحقیق كردن له باوهت دوسیهیل گهناتهكاری كرد و وت: دو لوجنهی تهحقیقی ئهرا لهیهكهوداین و پهیاكردن گومبوین چل ملیارد دولار ك له سهندووق گهشهكردن عراق بریاگه و كهس نیهزانیگ كی بردگهسهی و ئهرا كوو چیه دامهزریاگه.
| < پێشتر | دواتر > |
|---|
