شهفهق/ ڕاوێژكار سهرۆك ههرێمی كوردستان ئهرا كاروبار سیاسی باس لهوهكرد، شۆڤێنییهيل ك
لهچوارچيوهی خۆپیشاندانهیل دويهكه پهلامار ناوچهيل داوڕياگ دان، تواستنه بارودوخ پارێزگای كهركوك بشيونن، چوينكه جيوهجيكردن مادهی (140) دهستوور نزیكهوبويه.
(فهلهكهدین كاكهیی) وهئاژانس ههواڵ ناوخۆ وت، كورد وهردهوامى تهقلا ئهرا جيوهجيكردن مادهی (140)و هاوردنهوهی ناوچهيل داوڕياگ ئهرا بان ههرێم كوردستان ئهيا، وهلی ئيسه شۆڤێنییهيل ئهخوازن ڕهوش ئارام ئهو ناوچهيله بشيونن.
ڕاوێژكار سهرۆك ههرێم كوردستان ئهرا كاروبار سیاسی ئاماژه وهوهيشكرد، جيوهجيكردن مادهی (140) نزیكهو بويه، وهيخاتره دوژمنهيل دژایهتی پرۆسهی سیاسی كهركوك ئهكهن و ناخوازن ئهو پرۆسه سهربگرێ.
لهوهخت خۆپیشاندانهیل دويهكه له چهن ناوچهیگ پارێزگای كهركوك، بهعسی و شۆڤێنییهیل عێراق، پهلامار بارهگاو دامودهزگایهيل حكومهت لهقهزای حهویجه دان و سوزاننهیان، دوياتریش لهبهرنامهیان بى ك پهلامار شار كهركوك بيهن، وهلی لهلایهن هێزهيل ئهمنی نوايان گيريا.
| < پێشتر | دواتر > |
|---|
