شهفهق/ كوومهڵهى ماف ئادهمیزاد توركیا ئهوه ئاشكراكرد ك 88 قهورسان دهسهجهمى له توركیا ههس ك تهرم
1289 كهس هاتیان لهو ناوچهویله ك زوورمیان كوردنشینن.
لق دیاربهكر كوومهڵهى ماف ئادهمیزاد توركیا كۆنفرانسیگ ڕووژنامهنویسى گریهدا ئهرا خوهنستن ڕاپۆرتیگ لهباوهت قهورسانهیل دهسهجهمى له وڵات، وه ئامادهبوین ئهندام لوجنهى شهرهف له كوومهڵهگه راجى بیلیجى و ئهندام دهسهى كارگێرى لق كوومهڵهگه سهردار چهلهبى.
قسهكهر وهناو كوومهڵهگه لهى كۆنفرانسه وت:"كوومهڵهگهمان بویهسه شایهت لهبان ئهو قهورسانهیل دهسهجهمیه ك تا ئیسه ئاشكراكریانه، و ئهو جهنگ ناوخوهییه ك 30 ساڵ وهردهوام بوى تهعدایهیل فرهیگ له ماف ئادهمیزاد لهتى كریا له ناوچهیل كوردى".
لهلاى خوهیهو بیلیجى ئاماژه وهوهدا ك:"یهكم قهورسان دهسهجهمى ك دوینریاسهوه له ناوچهیل قیسبا و زیلان له شار سیرت بوى له ساڵ 1989، و ك سهدان قهورسان دهسهجهمى له ناوچهگه ههس".
و چهلهبییش له لاى خوهیهو وت:"كوومهڵهگهمان نهخشه یا خهریتهیگ ئهرا قهورسانهیل دهسهجهمى ئامادهكردیه". و ئهوهیشه ڕووشنهوكرد ك:"تا ئیسه تهرم 171 كهس له 26 قهورسان دوینریاسهوه".
| < پێشتر | دواتر > |
|---|
