شهفهق/ سهرۆك دیوان سهرۆكايهتی ههرێم كوردستان وت، ههرێم كوردستان خوهشحاڵه وهو گۆڕانكارییهيله ك
له مسر ڕویدانهو پهیوهندی ناونى ههولێر و قاهیرهيش وهردهوام بوود.
(د. فوئاد حسێن) ئاشكرایهوكرد، ههرێم كوردستان خوهشحاڵه وهو وهزع ئيسهی مسره، لهشوون دهس لهكاركيشانهوهی (حوسنی موبارهك) سهرۆك كۆمار ئهو وڵاته لهپۆستهگهی.
سهرۆك دیوان سهرۆكايهتی ههرێم كوردستان ئهوهيش خستهڕوى، ههرچهنه پرۆسهی دیموكراتی لهوڵاتهیل دهوروهر ههرێم كوردستان، وهتایبهت لهوڵاتهیل عهرهبی باێدهدی و فراوانترهو بوود، ئهرا ههرێم كوردستان خاستره.
د. فوئاد حسێن ئهوهيش ئاشكراكردهو، پهیوهندی ناونى ههرێم كوردستان و مسر جوور خوهی مينيدهو و وهردهوام بوود، وتیش:"ڕاسه سهرۆك كۆمار ئهو وڵاته دهس لهكار كيشاسهو، وهلی مسر و مللهت مسر ههر مهننه".
| < پێشتر | دواتر > |
|---|
