شهفهق/ رافع عیساوى وهزیر دارایى عیراق ئهوه ئاشكراكرد ك ئهنجوومهن وهزیرهیل 500 ملیار دینار
عیراقى جوور پویل وشك تهرخانكرد ئهرا قهرهبووكردن ئهو مادهیل خوراكیه ك له چواچیوهى كارت خوراكى(بیتاقهى تهموینى) نهدریانهسه هاوڵاتیهیل.
عیساوى له كۆنفرانس ڕووژنامهنویسییگ له ئهنجوومهن نوێنهرهیل گریهى دا، ئهوهیشه وت ك:"ئهنجوومهن وهزیرهیل بڕیاردا بڕ 500 ملیار دینار عیراقى جوور پویل وشك بیهیده هاووڵاتیهیل لهجیاتى ئهو مادهیله ك نهدریانهسه پیان. ههرلهیوا تهرخانكردن 21 ملیار دینار ههق بهرههم جویهى جفتیارهیل ك پارهكه نهدریاسه پیان".
عیساوى ئهوهیشه ڕووشنهوكرد ك:" وهزارهت دارایى له شوون ڕهزامهنى ئهنجوومهن وهزیرهیل زیاتر له یهك تریلیۆن دینار دهیده وهزارهت بازرگانى ك بهشهوكریاس ئهرا پابهندبوینهیل(التزامات) وهرین و نوو؛ ك بهشهكریهیده بان هاووڵاتیهیل و ههر هاووڵاتییگ 15 ههزار دینار ئهویش وهمیكانیزمهیلیگ ك وهزارهت بازرگانى دهسنیشانیان كهید.
| < پێشتر | دواتر > |
|---|
