شهفهق/ له ديدارێگ تايبهت وهل شهفهق نيوزا، فهرهج حهيدهری سهرۆك كۆمسيۆن باڵای ههڵوژاننهيل عيراق
وت: ديموكراسيهت وه نسبهت عيراقهو چشتێگ تازهيهو نادهی ونيهكريهيد له ماوهی شهو رووژێگ عيراق له قۆناغ ديكتاتۆريهتهو ك مێژووهگهی سهدهيگه، بپڕيدهو بچوود ئهرا قۆناغ ديموكراسيهت.
شهفهق نيوز: وه ئهساس ئهو زانياريلهگ ئهكهفنه وهردهس، دهسڵات جيوهجی كهر ئهخوازن دهس بهن لهناو كاروبار كۆميسۆنهگهدان، ئايا ئهو ئهو زانياريهيله راسن؟
فهرهج حهيدری: وه ئهمانهت تهمامهو ئهوه ئهرادان ئويشم ك نوری مالكی سهرۆك وهزيران له وهخت پرۆسهی ئهڵوژانن ئاسان كاری فرهی ئهرامان ئهكا و هاوكاريش پێشكهش كرد.
وهلی قهيرانهگه لهدويای ئاشكرا بوين ئهنجام ئهڵوژانن و بانگ كردن ئهرا پهرلهمان و بڕيارهگهی دادگای ناوهندی سهرئهڵدان له وهختێگ تواسن دهسهی سهروهخوهيهيل بوسهنهو وه دهسڵات جيوهجی كهرهو.
تويهنم ئهوهيشه بێژم ك تهمام ئهوانه هويچ كارگهرێگ سلبيان نهكرديهسه سهر كارهيل كۆمسيۆن باڵای ئهڵوژاننهيل و سهروهخوهيی ئهی كۆمسيۆنه.
شهفهق نيوز: له ئهڵوژانن ئهی دوياييه، كۆمسيۆنهگهدان وه يه تاوانبار كريا ك وه بێ لايهنی كارهيل وهرێهو نابهین، چوين وهل ئهی تۆمهتا مامهڵه كردين؟
فهرهج حهيدهری: گومان لهتێ نيه ك پرۆسه ديموكراسيهت له عيراق چشت تازهيگهو، نادهی لهماوهی شهو رووژێگ بپڕيدهو وه سهر قۆناغ ديكتاتۆريهتا ك مێژووگهی سهدهيگه، ديموكراسيهت رووشنهويری گشتيهو له قۆناغهيل سهرهتای ژيان ئايهمهيل دهس وهپێ ئهكا. ئهرايه چڕينهمانه ئهرا پهرلهمان لهدويای ئاشكرا بوين ئهنجام ههڵوژانن، بهڵگهێگ ئاشكرايه لهسهر يهگ ئهوان وه ئهساس پهرنسيپهيل خوهيان ديموكراسيهت قهبوڵ دێرن.
شهفهق نيوز: چوين نوڕيده ئهدای كارهيل كۆميسۆن ئهڵوژاننهيل ئيسهو وهرجله ئيسه؟
فهرهج حهيدهری: م هامه ئهی باوهڕه ك كۆميسيۆن ئهڵوژانن گوزهيشته له مهرجێگ كارهيل خوهی رهسانه جی ك فره وهل مهرج و وهز ئيسهيا جياواز بوی، تهقلا كرديم ك سوود له ههڵهيل گوزهيشتهی خوهمان وهربگريمن و دوبارهيانهو نهكهيمن، ههر وهيجوورهيشه چهن رێ و شوون بگرينهوهر لهوانهيش دياری كردن ژمارهی كانديداتۆرهيل ك له تهمام ئيزگايل دهنگدان دوجار دهنگ وهپيان نيهريهيد.
شهفهق نيوز: بهپێچهوانهی رێكخراوه ناودهوڵتيهيل ك ههميشه پشتيوان كارهيل كۆمسيۆن كردن، وهلی سهركردهيل سياسی عيراق وهردهوام رهخنه ليان گرتن، ئايا ئهو پشتيوانی رێكخريایل ناودهوڵهتيه چوی نهتهوهيل يهكگرتێ بهس نيه ئهرا وسانن ئهو رهخنهيل ك لهناوخوی رويوهرويدانهو ئهدهی؟
فهرهج حهيدهری: م هيوام لهيوا بوی ك ئهو دهسكهفتهيل گهورا ك وههاوكاری لايهنهيل سياسی و حكومهت و پهرلهمان و راگهياندن و رێخريايل جهمگای مهدهنی وهدهست هات و نهتهوهيل يهكگرتێ و رێخريايل ناودهوڵهتی ترهكيش پشتيوانی ليمان كردن، وهلی ئهوهگ جی نگرانی بوی ئهو لايهنهيل ناخوهييه بوی ك بهشدار بوين له سهركهفتن ئهڵوژاننهيل، هه ئهوانيش بوين ك ههڵمهتێگ لهدژ كۆميسيۆن دهس وه پێ كردن و باوهڕيان وه ئهنجامهيل نههات و ئهويشه بويه مايهی سهرسڕمهنين جهمگای ناودهوڵهتی!.
شهفهق نيوز: چوين نوڕينه ئايندهی پرۆسهی سياسی ديموكراسيهت له عيراق، ئايا ئهدهی ئهڵوژانن وهيهكێگ له بنهمايل ديموكراسيهت له قهڵهم بهيم؟
فهرهج حهيدهری: ههر ئهو جوورهگ له سهرهتای قسيهيلم وه پێ ئشارهدام، ئهزموون ديموكراسيهت له عيراق تازهيهو تويهنيم ئهڵوژاننهيل وه يهكێگ له بنهمايهيل ديموكراسيهت هساوێ بكهيم، وهلی گرنگترين بنهمايل ديموكراسيهت رێزنان له ماف مروڤ و بهڵگهنامهيل ناودهوڵهتی دووارهيان كرديهو ههوهجه وهئهو ههس ك تهمام حكومهتهيل پابهند وه ئهو بهڵگهنامهيله بوون. ئمجا له وهر ئهوهگ لهرێ ئهو پهرنسيپه، هاووڵاتی تويهنێد وه ئازادی گوزارشت له هوير و ئهراچهينهيل خوهی بكا و ههر وهيجووريشه باوهڕيمان وه جيوهجی بوين و دهس وهدهس بوين دهسڵات له رێ سهندوقهو وه ليسك ترهو بوودو ئهو وهخته لهيوا پيمان ئهياد ك رێز له ئايين و نهتهوه و مهزهو جيايهيل بگريمن. وهلی وه چهواشهيشهو وه باوهر نياشتن وه ئهی پهرنسيپه، ئهڵوژانن و پرۆسهی ديموكراسيهت له لايهن وهرپرسهيل رهدهو ئهدی.
شهفهق نيوز: دويا وهگ ههڵمهتێگ له لايهن بڕيگ له ئهندامهيل پهرلهمانهو كريايه سهر كۆميسيۆن و تۆمهتبار كردن وه گهناتهی ئيداری و دارايی، بڕێگ له سهر ئهی باوهڕه بوين ك ئهو ههڵمهت مهبهسێگ سياسی هاله پشتێ و دويره له كار بهراوردگرتن و چاودێری دهسڵات تهشريعی، ئمجا ئيوه شيهوكردن ئهراچهدانه!؟.
فهرهج حهيدهری: پهرلهمان لايهن تهشريعيه و چاودێری كهره و ماف خوهيشه ك له ههر وهرپرسيگ پرسيار بكا، وهلی كێشه ئيمه رێكهفتنهيل سياسيه ك كاريگهری وهسهر كارهيل پهرلهمانا جی هيشتيه. ئهرايه م هامه سهر ئهی باوهڕه ك پرۆسه توانسمان ئامانجێگ لهلی ئهرا خاس سازين و پرسيار كردن لهسهر تهمام كهم و كوڵيهيل يا خوو ههڵهيگ دياری كريا ك ئهنجام درياويد، وهلی وهچهواشهو فێشتر لهلێ پرسين و چڕينهيل له عيراقا سروشتێگ سياسی گرتيسهو خوهی.
شهفهق نيوز: لهدويای ساڵ ٢٠٠٣ چهن شهخسيهت كوردفهيلی لهحكومهت عيراق رهسينهسه ئهو جيه ك پۆست دانهسه پێان، دی ئايا له ئاست داواكرای ئهی پێكهاته بود يا نه، ئويه ههر جوورێگ ناوێ نهين، ئهيشه جيا له ئهو مهرجهسه ك عيراق وه ناويا رهد بوو و دوسيهی كوردهيل فهيلی ئهرا بڕێگ لهو سهركردهيله نهويه پيشينهی كارهيليان؟
فهرهج حهيدهری: لهيره ئهراچينم وهلدان جياوازه، ئهوهيشه لهوهر چهن مهمهر ك ههس باوهتيهو ههسيش زاتيه، كوردهيل فهيلی له سهرهتايل سلهيه ههفتا و ههشتا وه مهمهر كوچ زوورهملی نهتويهنستن بهشداری ئهكتيڤ له پارهتهيل سياسی داشتوون، دی پارتهيل كوردستانی يا پارتهيل عهروهيل بوود فهرقێگ ناكا.
له وهر ئهوهگ فرهليان له ئيران و وڵاتهيل ئورووپی سهرقاڵ نان پهيا كردن و گوزران خوهيان بوين، هاوهختيش بهشێگ كهم لهليان نهود ك له پرۆسهی سياسی بهشداری كردنهو وه پۆستهيل حكومی له پهرلهمان و حكومهت درياسه پێان، ئهرايه بێگومان ئهوهيشه كارگهری كرديهسه سهر رهسانن دهردهيل مهينهتهيل كوردهيل فهيلی وه دهمودهزگايل حكومهت و پهرلهمان و پارتهيل سياسی.
مهمهر دويمشێ ك ناوێ برديمن، مهمهرێگ زاتيه ك ئهوهيشه فره گرنگه، يهكگرتێ بوين قسيهو بهيان كوردهيل فهيلیيه، دی ئايا له پارتهيل سياسی يا رێخريايل ناودهوڵهتی بوود. ههر وهيجووريشه هامه سهر ئهی باوهر ك بهشێگ فره لهداواكارهيل كوردهيل فهيلی جيوهجی بويهو بهش ترهكيش مهنيه ك ها له سهرخوهيان و ئهوانهگ خاوهن بڕيارن لهههردو دهسڵات حكومهت ههرێم و حكومهت بهغدا.
شهفهق نيوز: لهدويای تهمام بوين ماوهی پۆست سهرۆك كۆميسۆنی باڵای ئهڵوژاننن، ئايا وهردهوامی ئهدهی وه بهشدار بوين له پرۆسهی سياسی له عيراقا؟
فهرهج حهيدهری: ياسای ژمارهی ١١ ساڵ ٢٠٠٧ كۆميسۆن باڵای ئهڵوژننهيل رێ نادهی وه كۆميسار لهدوای تهمام بوين ماوهی سهرۆك بوينێ له هويچ دهزگای دهوڵهتی كار بكا، كاركردنيش بهسياسه وه پرۆسهی سياسییهو عيراق ههوجهی وه ئهوسه ك خزمهت ئهرای بكهيمن.
| < پێشتر | دواتر > |
|---|
