شهفهق/ سەروەت کۆیی نیشتهجای شار لەندەنەو دەرچوی کۆلیژ پەروەردەی زانکۆی
سەڵاحەددینە لەهەولێر، هووكارهبوين میوزیکی ئهرا سەردەم مناڵی گلهو ئهخوا، هەميش ئەندام بويە لەچەنهها گرووپ جوور (باواجی کۆیە، زیر و بەم، تیپ زانکۆ، ئاوازی ون، گرووپ سەمفۆنیای لیدز)، زیاتر خاون ٣٠ ئاواز بڵاوهوکرياگە، لەديداريگ وهل کورد فەیم باس لەڕەوش هونەری ئمڕوو ئەکا.
* دويایين کار هونەرید؟
- چەن پارچە میوزیکێگ تومارکردمە، دوانیان کلیپکردمە و یەکيگیان بڵاوهوبويە وە ناو سەمای عەشق، هەميش ماوهيگ بی هوير لهوه ئهكردمهو ک بيجگە لە کار کۆنسێرتی و گرووپی چەن کلیپێگ ئەنجام بيەم، ئەوە بی سەمای عەشق جوور بەرهەمێگ رەسەن وەمیوزیک و نیشانداين کەلتوور کوردی بهرههم هات، کلیپ سەمای عەشق لە شار فۆڵکستۆن لەوڵات بەریتانیا وينە گیرياگە، من فره فره دهسخوهشی له کۆمپانیای ئارا فیلم کەم وەتایبەت کامێرامان کاک هیوا ئەحمەد ک لەبان ئەرک خوهیان کار کلیپەگهم ئهنجام دان، فره دهسخوهشیش له هەردی شەیدا و ئاڤێستا شێرەبەیانی و قادر سەمەد و شۆخان خان كهم ک هاوکارم بوين لەکلیپەگە و تومارکردن بەرهەمەگە، وهلی لە ستۆدیۆ گشتی لەبان ئەرک خوهم بويە و هیچ لایەنێگ هاوکاریم نەکردگه.
* وهتهما نيد گورانی بچڕی؟
- نەخێر فكر وهپی نهكردمه.
* لەبەرنامەد نیە وەیەکجاری بايدهو ئهرا کوردستان و وهل گروپەيل میوزیك کاربکەید؟
- ئيسه لەبەرنامەم نیە، چوينکە خهريك ئامادەکردن خوهمم ئهرا دريژەدان وە خوهندن ئهرا ماستەر لەمیوزیک، لەهەمان وهخت وهل گروپ (ئاوازی ون) وەردەوامم لە خزمەتکردن هونەر کوردی.
* چ جیاوازیگ لەناونی میوزیک کوردی وهل ميوزيك خارجی دوينيد؟
- میوزیک کوردی ڕێچهڵهكيگ تایبەت وهخوهی ديرێ و جیاوازی لهتی وەدی ئەکريهێ وهل میوزیک دەيشت كوردستان، وهيخاترە بايهتە خزمەت وە ڕەسەنایەتی خوهمان بکەیمن.
* وهختيگ هونەرمەندهيل ئهرا کۆنسێرت ئهيهنهو ئهرا کوردستان، گروپ میوزیک خارجی وهل خوهیان ئەيهرن ڕای تۆ چەس وەرانوەر وەيە؟
- لایەن پۆزەتیڤ هاتێ و نێگەتیڤیش هاتێ، وهلی وەداخەو ئيمەی کورد نێگەتیڤەگە گرتيمنە و هونەرمەندهیل ئيمە رەسەنایەتی خوهیان لەدەسدانە و ڕيچەڵهك ئەوان گرتنە و ئەيەش زیان وە میوزیک کوردی ئەڕەسنێ.
* ئایا تويهنیمن وەگشت کەسێگ ک لەبوارەگە بوود بويشمن هونەرمەند؟، یا تەنیا میوزیکژەن یا ئەکادیمی بوود؟
- بەڵێ وەمەرجێگ کەسێگ خوڵقێنەر بوود، هونەرمەندایەتی وەباوهڕنامە نیە، بەڵکو وە شارەزاییە لەبوارەگە، مامۆستا تاهیر تۆفیق و حەسەن زیرەک و سەید عەلی ئەسغەر شارەزايهيليگ ئەوتۆ میوزیک نەوين جوور کەسێگ ئەکادیمی، وەلی خولقێنەربوين لەو بەهرە ك داشتنهی، من گشت وهختێگ وتمە بايهد بەهرە بوود ئمجا ئنسان تهقالی لایەن ئەکادیمیەگە بدا ئهرا ئەوەگ زیاتر بەهرەگەی وەشيوەیگ زانستی وەرەو نوا بواد.
* فرەتر هونەرمەندەيل لەباردوخ هونەر کوردی ئيسه ناڕازین ڕای تۆ چەس؟
- من یەکێگم لەوانە ک ناڕازیم لەبارودۆخ هونەری ئمڕوومان وەخاتر ئەوەگ یاسا ئهرا هونەر و هونەرمەندهيل نیە و ئەوە ك خزمەت وە هونەر کوردی ئەکا پشت گووش ئەخريهێد.
* چ یادگاری خوهشيگ وەل هونەرمەندەيل ديريد ک هەرگز لهبیرد ناچێدەو؟
- یادگاریهيلم وهل هونەرمەندهيل فره فرەن، شايهد وە نويسانن ئەو تامه نەياشتوود جوور قسهكردن ک باسی بکەم.
* رووژانە بيجگە لەکار هونەری وهختد وەچه ئهوهيدەسەر؟
- لە کۆمپانیایگ فاشن کارکەم لە لەندەن وەناو ڕۆکێت، وهختهيل تریش خەریک خوهنستن و بازاڕکردن و سەردان رهفيقهيلم.
* حەز لەدەنگ چ هونەرمەندێگ ئەکەی؟
- مامۆستا تاهیر تۆفیق و مامۆستا مەزهەر خالقی.
* لەکوردستان وهکەسایەتی کی سەرسامی؟
- لە کوردستان سەرسام کەسایهتی ئەو کەسەيلهمه ک کويچە و جادەگان پاکهو ئەکەن، چونکە خزمەت وڵاتەگەم ئەکەن.
تێبینی: ئهرا زیاتر ئاشنابوين وە کارەيلم و کلیپەگەم ئەتويهنن سەردان ئەی لین خوارە بکەن:
| < پێشتر | دواتر > |
|---|
