شهفهق/لهژیر ناونیشان (چهواشهكردن راسیهیل) چهومان كهفته باوهتیگ لهنویسانن نویسهر (ڕهزا شوان) ك چوین
داوهزیهسه بان نویسهریگ تونڕهو توركمان ك چهنهها باوهت لهماڵپهڕ (ئیمهى توركمان) وهزوان عهرهبى پهخشكردگه لهدژ كورد و چهن ناوداریگ كوردپهروهر و چهن هووز و عهشرهتیگ رهسهن كورد وهئارهزوو خوهى كردهسه توركمان وهبى ئهوهك بهڵگهو بنهمایگ داشتووگ و هویچ شهرمیگ لهوه نهكردگه ك كهفیگه دام وتهڵهوهو گشت ئهو درووهیلیه ئاشكرا كریهیگ .
ئبراهیم ئاوچى تونڕهو ، دیاره پهردهى شهرم دڕیهو گهزوو پهیمانه وهههوهس خوهى كردگهو لهئاست ناودارهیل كورد دریغى بیشماریگ كردگهو دیاره لاپهڕهیل تاریخ نهیاسه یهكاو وهنك قهڵهمه چهفتهگهى دهمچهو خوهى سیه كردگه . ئمجا ئبراهیم ئاوچى باس له ناودار كورد رهسهن فهیلى (مستهفا جواد) كردگهو لهههمان وهخت وه توركمان داسهى قهڵهم ، یهیش هویچ فهرق و جیاوازییگ نهیریگ وهل فكرهى سهدامیهیلا ك كوردهیل تهعریب كردن و شوناسنامهى كورد ئاڵشتكردن ئهرا بان ئهشرهتهیل عهرهب ، مهعناى ئهوهسه ئاو لهیهك جام خواردنه . ئمجا ئیمهى كورد فهیلى نهك ههر مستهفا جواد ، بهڵكوو گشت كوردیگ ناودار و كورپهروهر مایهى فهخرو شانازیه ئهڕامان . وهلى لهباوهت ئهوهك ئهو كابراى توركمانه نویساسهى دیاره وهغهڵهت چیهو لهخوهیا وهباوهت و قهڵهمهگه تویهنیگ ریشگ ئادهمیزاد ههڵكهنیگ و باوهڕ مهردم وهدهس باریگ و ناودارهیل كوردمان بخهیگه پاڵ نهتهوهى كهسهیل جویر خوهى . ئیمه مهبهسمان ئهوه نیه حاشا له نهتهوهیل تر بكهیم ، وهلى لهیرا باوهتهگه ههوهجه وه شیهوكردن دیریگ و لهبان ئى جووره درووهیلیگ نهبایهد بیدهنگ بویمن ، چوینكه ناوبریاگ شایهت ئهو كردویگه بهڵگه ك مستهفا جواد نویسریاگهیلى وه زوان عهرهبى بویه ، یهیش هویچ مهسهلهگه ئالشت ناكا ، چوینكه ئیمهى كورد خاوهن چهنهها كهسایهتى و ناودار و زانایم لهگشت مهیدانهیل و فرهیش لهلیان وه زوان عهرهبى خوهندنهو نویسانهو لهلیانیش بویه لهژینگهیگ ژیاگه ههر ئهوهنه تویهنستگه زاڵ بووگه بان یهك زوانا ، وهلى یهیش مهعناى ئهوه نیه ك پشت له نهتهوهو باوان خوهى كردویگ تا یهكیگ جویر ئبراهیم ئاوچى وه توركمان یا ههر نهتهوهیگ تر بهیگهیانه قهڵهم . ئیمه ئویشیم فره عهیبه ئهرا كهسهیلیگ وهبى بهڵگهو سهرچهوه ئى جووره رهفتاریگ ئهنجام بهیگ و ناو ناودارهیل كوردمان بخهیگه شان ناودارهیل خوهیان ، بیجگه ئهوهیش ئى جووره فكرهیگ چ خزمهتیگ بڕهسنیگه فهرههنگ و رووشنهویریهت ئهو نهتهوهیله ك وه دزى لهناودارهیلمان كهن ؟ ئیمه تهنیا تویهنیم ئهوه بویشیم : ئایا باوگیگ ههس كوڕ خوهى نهناسیگ ؟ مستهفا جوادیش یهكیگه لهڕوڵهیل مللهت كورد و لهكوردهیل رهسهن (فهیلى)هو دار (دروویش) بهر ناگرى .
| < پێشتر | دواتر > |
|---|
