سامان حهمهدهمين عهلی/ئا:شهفهق
لهوهر ئهوه ئهگهر بايگ و قسهگهمان لهبان لايهنيگ سهرهتايی بووگ ك وهرهو ههڵوژاردن سهرانسهری گام نرياگه ئهرا چهسپانن ديموكراسی و گويڕانكاری وڵات .
ئهرا ئی مهبهسه شايهت دوچار چهنهها گومان و ئهگهر بويمن ، چوينكه مهيدان ئهو سهرهتا دهسهوهر نهويه ، بهڵكوو فامستن له چهمك و ناوهڕوكيشی جياوازييان فرهس ، ههر لهوهر ئهوهيشه زاڵبوين لهبان يهكيگ لهكردهوهيل فره مهترسيدار سهردهم ئمڕوومان فره زهحمهته ك ئهويش تيرۆره ، ئهيه بيجگه دهسوهرداين وڵاتهيل هاوساو ههريمی و گرووپهيل جووراوجوور ، ك چ١وينيهتی خهبات تهنگهو كردگه ك ههرچهنی وهرهو خود ڕيكخستن چيمن وهناو هاوپهيمانيهتی و يهك ليستی ، وهلی هيمان مهعناو مهبهسهيلی دهرنهكهفتگه ك خزمهت بهرژهوهندی گشتی عراق بكا ، وهلی هاوپهيمانی كوردستانی چ وهك ئهزموون يا وهرپرسيارێتی دريژماوه لهو جووره وهزعهيلهو باوهت چارهنويسساز نهتهوهيی خاوهن گوزهيشتيگه ك تويهنستگه وهههوڵ دبلۆماسيانهوه متمانهو تواناو شارهزايی لهبان زوورم وهزعهيل ناوخوهيی و دهرهكی زاڵ بووگ و لهههمان وهخت بهرژهوهندی و پهيوهندی فراوان و گرنگ ياموهميش دروس بكا ك لهسايهی بتويهنيگ ئهو ههمگه مهترسيهيل جووراوجووره نهيليگ ك بوونه ههڕهشه لهبان ئاينده ، لهوهر ئهوه لهو ماوه ك وهرهو ههڵوژاردن سهرانسهری عراق چيمن گرنگ يا موهمه ئهو دهوره ك لهماوهی ئدارهی كابينهيل جياواز حكوومهت ههريم ديهسهی وهتايبهت پهنجم و شهشم لهناو و لهدهيشت وه پهيمانهيگ بزانيمنهی وهبهراورد يا مقارنه وهل وهزع ئهو چهن ساڵهی عراقه ههر لهدهور جياواز و گويڕيان و گهشهسهندن و ئاسايش و ئارامی ك گشت ئهيانه سهرباس پرووسهيگ دريژماوهو گرنگ ياموهم بوينهو تويهنرياگه جی وهجی بكريهن و يهكلاوه بكريهن .
ههوڵ هاوپهيمانی كوردستانی وهتايبهت ههردوگ لايهن سياسی سهرهكی ههريم كوردستان و دهور ريزدار مهسعود بارزانی دهور يهكلاكهر و چارهسهر ناكووكيهيل بويه ، بهڵكوو حكوومهت ههريميش وه راسهوخۆ و ناڕاسهوخۆ ئهو ئهرك و ههقه گرتهسه مل و جی وهجی ئهو ئهركهيله كردگهو لهههمان وهخت تويهنستگه زاڵ بووگ لهبان زوورم ئهو وهربهسهيله ك وهپی ئويشن ناكووك وهتايبهت لهناونی ههريم و بهغدا دهستوور وهك كارنامهی كورت ماوهو دريژماوه هاورياسه كار و چهنهها سيناريۆی شۆڤێنيانه رهتهو بويه ك ههق تاك كورد ژيرپا بكا ، لهوهر ئهوه ئهگهر بويشيم بايهسه مهردم ئهو راسيه بزانن ك لهی ههڵوژاردنهيله نيهوگ نهڕهسنهوهو نيهوگ نهزانن دهنگ خوهيان دهنه كی و بايهسه چهنهها پهيمانه لهوهردهم خوهی دابنهيگ ئهرا ئاينده . چوينكه هاوپهيمانی كوردستان خاوهن ئهزموون فرهو چارهنويسساز بويه و لهههمان وهخت ليست و قهوارهيل ههريم كوردستان هانه وهردهم دو ئهرك و دهور گرنگ ياموهم ، وهرپرسيارێتی نهتهوهيی ك بايهسه ئهرا گشت ئهو ههقهيله ك دهستوور ڕی وهپی داگه جهخت لهبانی بكاو باريگهی دهس ، وهل ئهوهيشا وهرپرسيارێتی ناوخوهيی ههڵگرتن ئهو دهورهسه مللهتهگهمان لهههق وئاينده نهخهيگه پلهی جياواز وهل مللهتهيل سهرهكی عراق و جيايان نهكهيگهوه و مقهيهتكهر داواكاريهيلی بووگ ، ئمجا هاتنهدی ئهو دو دهور گرنگ ياموهميشه ئهرا ئمڕوو عراق و تويهنيم بويشيم هاوپهيمانی كوردستان ههڵگر ئهو وهرپرسياری يا مهسئووليهت چارهنويسسازهسه ك ئهوسا وهرگری لهلی كردگهو ئهرا ئايندهيش ههمان متمانه وهپی بيهيم .
| < پێشتر | دواتر > |
|---|
