شهفهق/ د. رێدار محهمهد ئهمین
ئۆمهرمهندان شیت بوود ئهرا كووره چوود؟) ههر لهى ڕوییشهو لهوهختى ههواڵ دكتۆریگ پرسیدو نهخوهشه وهپى ئویشید:(ئایا دكتۆریش نهخوهش كهفێد؟)یهیش بووده مایهى سهرسڕمهنن لهلاى مهردم، چوینكه وهگورهى ئهو راسیه ك لاى ئهوان چهسپیاگه، هویچ وهختى نیهود دكتۆر نهخوهش بوود، چوینكه ئهوان لهگشت كهسیگ زیاتر مقهیهت تهندروسى خوهیانن. ئمجا وه گوورهى ئهوهیش دكتۆر بووده نموونهى باڵا.
ئى ئهڕاى چوینیشه لهیوا كردگه فره وهههڵهپهڵه متمانه وه دكتۆر نهیاشتوون لهوهختى وهنهخوهشى دویننهى. ئمجا ئایا ئهگهر دكتۆریگ پسپۆر دڵ بوى، ماناى ئهوهسه دى تویش نهخوهشى دڵ نیهتیهێد؟ یا ئهگهر پسپۆر گورچگ بوى تویش پهنام و كوچگ لهگورچگى نیهتیهێد؟ دكتۆریش ههر جویر كهسیگ تر ئادهمیزادهو ئهگهر یا ئحتمال تویشبوین وهههر نهخوهشییگ دیرى، وهلى ئهوهك لهیوا ئهكا دكتۆرهیل كهمتر نهخوهش بكهفن، ئهویش زانستن هووكارهیل خود مقهیهتیكردنه.
ئهوهك جى سهرسڕمهنینه وهل ئى هویرو باوهڕه، ئهویش ئهوهسه ك هویرو باوهڕیگ دژ وه ئهوه ههس ئویشێد: (گشت دكتۆرهیل شیتن)، یا وهمانایگ تر ك ئویشن: (دكتۆر شیتهیل، گشتیان شیتن!)چوینكه یهیش قسهى مهردمه، وهگهرنه شیت و نهخوهشى دهروینى دو چشت فره جیاوازن!
ئى ئهڕاى چوین مهردمه وهرانوهر وه دكتۆر دهروینى بایهسه له دو ڕویهو لهیهكهو بدریهێد، یهكهمیان ئهوهسه ك ئى دكتۆر دهروینیه ك ساڵهیل فرهیگه وهل نهخوهشى دهروینیا مامڵه ئهكا، بایهسه كار كردویده بان رهفتار و ههڵسووكهفت ئهو، ئمجا لهجیاى ئهوهك ئهوان خاسهو بكا خوهیشى شیویاگه! چوینكه ئادهمیزاد مهحاڵه بتویهنێد چهنهها ساڵ وهل ئى جووره كهسهیلیگ بوود و كاریگهرى لهبانى نهیاشتوون، دویهمیش ئهوهسه ك دكتۆرهیل دهروینى رهفتار و قسهى ئهڵاجهوى كهن جویر قسهى نهخوهشهیل و نیهتویهنید لهئهوان جیایان بكهیدهو!
ههرچهنى ئى دو ئهڕاى چوین مهردمه بى بنهماو تهنیا لهڕى خهیاڵ و تهماشاكردن رهفتار دكتۆرهیل دهروینیهو دروس بوینه، وهلى دویر نیه ههردوگیان راس بوون!، وهلى نهك تا ئهو راده ك دكتۆره دهروینیهگه وهشیت دابنریهێد و گشت باوهڕ و متمانهى چارهسهركردن لهلى بسینیهێدهو، بهڵكوو جویر كهسیگ سووزدار و خاوهن وژدان ك رووژانه تیكهڵ چهنهها كیشهو گرفت نهخوهشهیل بوود، بیگومان ئهو كیشهو گرفتهیله له روخسارو تهنانهت له ڕهفتاریشى ڕهنگهو دهن.
هویچ دكتۆریگ نیه چهنه دكتۆر دهروینى ناڕهحهتى وژدان و دهروین داشتوود، چوینكه ئهوان رووژانه گووش گرنه سهدهها مهتهڵ تراژیدیاو بى ئومیدى و بهدبهختى! ئهگهر ئهیانه كاریگهرى نهیاشتوون لهبانى ئهوه ئادهمیزاد نیهو هس و سووز نهیرى! مهردم توان لهدهیشت چوارچیوهى ئى مهینهتیهو پزیشك دهروینى ئادهمیزادیگ بوود و گشت وهختى رهفتار و گوفتارى هاوسهنگ بوود!
ئمجا وهل ئهو ههمگه باسكردن و ئاشكراكردنه، هیمان دكتۆر دهروینى مهینهتى فرهیگ دیرێ و لهلایهن مهردمیشهو تاریف جیاواز ئهڕایان كریهێد، یهیش لهوهختیگه لهكومهڵگاى ئیمه هیمان هویروباوهڕ تر زاڵهو ئهگهر مهردم جاریگ سهردان دكتۆر دهروینى بكهن، ئهوه خاستره لهوهك چهنهها جار سهردان فاڵچى و جادووگهر و چشتهیل تر بكهن.
| < پێشتر | دواتر > |
|---|
